Siriara misio militarra bidaliko du Alemaniak, Frantziari laguntzeko
Estatu Islamikoaren kontrako borrokan Frantziari babesa emateko misio militarra onartu du, asteon, Alemaniako Ministro Kontseiluak. Horren arabera, 1.200 soldadu alemaniarrek ikuskapen, segurtasun eta logistika lanak egingo dituzte Sirian. Gaur, proposamen hori bozkatu dute Bundestagen (Alemaniako Behe Ganbera), eta gehiengoz atera da aurrera. Hala, Alemaniak misio bilitarra bidaliko du Siriara, Frantziari laguntzeko.
598 parlamentarik eman dute botoa; horietatik 445ek Alemaniako Gobernuaren proposamenaren alde bozkatu dute, 146k aurka eta zazpi abstenitu egin dira.
Talde kontserbadoreak eta sozialdemokratak herenegun, jada, iragarri zuten Merkelen exekutiboaren proposamena babestuko zutela. Ganberaren % 80 ordezkatzen dute.
Aurreikusita bezala, oposizioko bi talde, Ezkerra eta Berdeak, kontra agertu dira; asteazkenean hasitako eztabaidan aurreratu bezala, misio militarraren kontra bozkatu dute, terrorismoari aurre egiteko bonbak erabiltzea "akats larria" dela iritzita. Gaur misio militarra "presaka eta helburu zehatzik ezarri gabe" onartu dela salatu dute oposizioko alderdiek.
Alemaniako Ministroen Kontseiluak diseinatutako plana, berez, urtebeterako da, baina luzatzeko aukera zabalik uzten du. 134 milioi euro biratuko dituzte ikuskapen, segurtasun eta logistika lanetara.Ikuskapenerako Tornado hegazkinak eta sateliteak jarriko ditu Alemaniak.
Gainera, Frantziako hegazkin bonba-jaurtitzaileak erregaiz hornitzeko hegazkina bidaliko du, Charles de Gaulles hegazkin-ontziari babesa emateko, fragata batekin batera.
Halaber, Alemaniak bere konpromiso zibila indartuko du Sirian eta inguruko herrialdeetan errefuxiatuei laguntzeko, eta herrialde barruan lekuz aldatu direnei eta horiek hartzen dituztenei laguntzeko.
Plana onartu zuenean, Alemaniako Gobernuak nabarmendu zuen Estatu Islamikoa mundu osoarentzako mehatxua dela. "Munduko bakearen eta nazioarteko segurtasunaren aurkako mehatxua da", esan zuen Merkelen Gobernuak.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.