Jarrerak bateratu ezinda, Parisko goi-bileraren azken txanpan
Klima aldaketaren inguruan Parisen, azaroaren 30etik, egiten ari diren goi-bileran, bakoitzak bereari eusten dio, eta jarrerak bateratu ezinda dabiltza mundu osoko 200 ministro inguru. Klima aldaketari aurre egiteko neurri zorrotzenak herrialde aberatsenek bere gain hartu beharko lituzketela defendatzen dute garapen bidean dauden herrialdeek. Txina eta India jarrera horren alde agertu dira.
Azken txanpan sartu da goi-bilera, eta, aurreikusitako epeen arabera, akordioak mahai gainean beharko luke ostiralerako. Basic taldea osatzen duten herrialdeek (Brasil, Txina, India eta Hego Afrika) euren marra gorriak publikoki adierazi dituzte. Berotegi efektua eragiten duten gasen emisioa murrizteko neurriak adostea da Parisko bileraren helburua.
Miguel Arias Cañete komisarioak nabarmendu duenez, ezinbestekoa da klima aldaketaren auzian herrialdeen ardura banaketa eguneratzea. Haren iritzian, Txinak edota Indiak, adibidez, ardura gehiago hartu beharko lukete beraien gain.
"Negoziazio hauek ez dira 'guri' eta 'haiei' buruz. Negoziazio hauetan denok maila berean gaude inplikatuta, herrialde garatuak eta garapen bidean daudenak; denon artean gune komun bat topatu eta irtenbideak elkarrekin adostu behar ditugu", esan du.
EBk eta ACPk osatzen duten taldeak pisu handia du negoziazio mahaian, baina Indiaren eta Txinaren jarrerek, eta Estatu Batuek akordio lotesle bat onartzearen aurka agertu duten posizioak ez dute erabaki bateratu baten aldeko bidea errazten.
Parisen bilduta dauden ministroek datozen orduotan adostu beharko dute akordio zirriborroa. Ostiralerako klima aldaketari aurre egiteko gutxienekoak, adostuta beharko lukete. Dagoneko, hainbat iturrik baieztatu dutenez, goi-bilera luzatzea ez da baztertzen.
Albiste gehiago mundua
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.
NBEko Batzar Nagusiari begira, AEBk agintari palestinarrei emandako bisak baliogabetuko ditu
AEBko Gobernuak iragarri du Palestinak Nazio Batuen aurrean duen misio iraunkorreko kideak salbuetsiko dituela.
Frantziako sindikatuek greba deitu dute irailaren 18an Bayrouren aurrekontuen aurka
Zentral handiek "gauzak aldatzeko eta aurrerapausoak emateko mobilizazio masiboak" eskatu dizkiete langileei. Bayrouk konfiantza mozio bati aurre egin beharko dio irailaren 8an; oposizioak (gehiengo absolutua) aurka bozkatuko duela aurreratu du.
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.