Christine Lagarde NDFko zuzendaria Tapie auzian epaituko dute
Christine Lagarde Ekonomia ministroa zenean Frantziako Estatuak Bernard Tapie enpresaburuari ia 404 milioi euroko kalte-ordaina eman zion, 2007an. NDFko zuzendariak funts publikoak ustez “zabarkeriaz” kudeatu zituen eta erruztatuen aulkian eseriko da.
Lagarde 2014ko abuztuan inputatu zuten. Kalte-ordainaren esleipenean ustelkeria izan ote zen ebazteko ikerketa abian jarri zuten Frantzian. Adidas enpresa 90eko hamarkadan saldu zutenean jaso zuen kalte-ordaina Tapiek.
Frantziako Fiskaltzak auzia atzera botatzeko eskatu zion Errepublikako Gorte Gorenari iragan irailean, baina Auzitegi horrek epaiketaren alde egin du, i-Tele telebistak jakitera eman duenez.
Ministro ohiaren ahotan, erabakia “ulertzen zaila” da. Helegitea aurkeztuko duela iragarri du Lagardek agiri batean. Beti Estatuaren mesederako lan egin eta legea errespetatu duela defendatu du buruzagiak. “Inputatzeko kargurik ez dago”, esan du.
Adidasen salmenta
Credit Lyonnaisek (orduan banku publikoa) Adidas Frantziako Estatuaren izenean saldu zuen 1993an. Konpainiaren jabetza Tapieri kendu zion Estatuak.
Enpresaren balioa handiagoa zela eta Estatuak balio horren azpitik erosi ziola iritzita enpresaburuak auzitegietara jo zuen urte batzuk geroago. Auziak bi hamarkada eman zituen epaitegietan, eta azkenean auzitegi pribatu batek ebatzi zuen Nicolas Sarkozy kontserbadorea presidente zenean. Bitartekaritza pribatura jotzea Lagardek erabaki zuen, Ekonomia ministroa zenean.
Epaitegi pribatu horren izendapena Tapieri mesede egiteko izan zela uste dute Errepublikako Justizia Gorteko magistratuek.
Ia 404 milioi euroak bueltatzeko eskatu zion Frantziako Justiziak Tapieri abenduaren 3an, iragan otsailean Gorenak auzitegi pribatuaren ebazpena bertan behera utzi ondoren.
Urtebeteko espetxe-zigorra eta 15.000 euroko isuna
Iaz inputazioaren berri eman zutenean, dimisioa emango ez zuela iragarri zuen Lagardek, eta NDFk babesa eman zion.
Erruduna dela baieztatzen baldin bada, Lagarderi urtebeteko kartzela-zigorra eta 15.000 euroko isuna ezar diezaiokete.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.