Aho batez gaitzetsi du Segurtasun Kontseiluak Ipar Korearen iragarpena
Nazio Batuen Erakundeko Segurtasun Kontseiluak aho batez gaitzetsi du Ipar Koreak egindako iragarpena. Pyongyangen erregimenak esan du hidrogeno bonba bat lehertarazi duela, egindako proba batean eta, horrela, Kontseiluak Asiako herrialde horren aurka egindako "ebazpenak urratu" egin ditu. Segurtasun Kontseiluak, gainera, aurreratu du neurri sorta prestatzen hasi dela.
"Segurtasun Kontseiluko kideek gogorarazi dute aurrekoetan ere adierazi dutela Ipar Korearen aurkako neurriak hartzeko prest dagoela, beste proba nuklear bat eginez gero", esan du Elbio Rosseli Uruguayko enbaxadore eta Segurtasun Kontseiluko egungo presidenteak.
"Konpromiso horren arabera, eta urraketa larriaren aurrean, Kontseiluko kideak lanean hasi dira ebazpen berri bat egiteko, aurreko ebazpenak -Ipar Koreak- urratu eta gero", gaineratu du.
Hidrogeno-bonba nuklear batekin aurreneko proba egin duela iragarri du Ipar Koreak. Lehentxeago, nazioarteko sistemek 5 graduko lurrikara bat antzeman dute herrialdearen ipar-ekialdean, saio atomikoaren ondorio.
Pyongyangeko erregimenak arma termonuklear batekin egiten duen lehen saioa da. Hidrogeno-bonba baten eztanda dispositibo atomiko konbentzionalena baino askoz handiagoa da. 2006an, 2009an eta 2013an beste hiru proba egin zituen Ipar Koreak, baina lehergailu atomiko konbentzionalekin.
Hidrogeno-bonba batekin lehen saioa egiteko agindua eman zuen Kim Jong-un buruzagiak iragan abenduaren 15ean, Ipar Koreak KCNA albiste-agentziaren bidez azaldu duenez.
Kim Jong-unen erregimenak hidrogeno-bonba zuela iragarri zuen duela hilabete eskas, baina nazioarteak ezin izan du orain arte egiaztatu.
?H? bonba batek lehergailu nuklear konbentzional baten indarra mila aldiz biderkatu dezake; hau da, Hiroshiman eta Nagasakin (Japonia), 1945ean, jaurtitako bonbak baino boteretsuagoa da. Ondorioz, nazioartearentzako erronka garrantzitsua da segurtasunari dagokionez.
Nazioartearen gaitzespena
Hego Koreako Gobernuak proba nuklearra gaitzetsi du. Pyongyangek Nazio Batuen Segurtasun Kontseiluko ebazpenak urratu dituela salatu du Seulek.
Era berean, Ipar Korearen saio nuklear berria gaitzetsi du Shinzo Abe Japoniako lehen ministroak, eta ?mehatxu larriaren? aurrean Japoniak ?erantzun irmoa? emango duela ziurtatu du.
NBEko ebazpenen edozein urraketa gaitzetsi dute AEBek. Pyongyangen ?probokazio? guztiei modu ?egokian? erantzungo dietela jakitera eman du Etxe Zuriak.
Hainbat aditu, mugimendu sismikoen azterketa egiten. Irudia: EFE
NBEk "gerakizun sismikoa" baieztatu du
Aurreko goizaldean, Ipar Korean, antzeman duten ?gertaera sismikoa? 2013an egindako beste baten neurrikoa izan da, eta berezitasunak ere berdintsuak izan dira, adierazi du Vienan Proba Nuklearren Erabateko Debekurako Itunaren Organizazioak.
?Oraingo honetan aztertu ditugun seinaleen berezitasunak (?) oso berdintsuak dira 2013an munduak ikusi zuenarekin alderatuta eta, hori aitortutako proba nuklearra izan zen?, Randy Bell NBEaren aipatutako Organizazioaren zuzendariaren esanetan.
Halaber, Bellen arabera, atzemandako lurrikararen neurria, lehenengo datuei erreparatuta, 4,9 gradukoa (Ritcher mailan), 2013an atzemandakoen antzekoa izan da.
Gainera, adituak esan duenez, gertatutakoa ?gertakizuna? izan dela berretsi du, proba atomikotzat jotzea saihestuz, baina bi gertaeren arteko antzekotasunak nabarmendu ditu.
Bellek gogoratu du, era berean, lurrikara 01:30ean -GMT- atzeman zen, Ipar Koreak 2006an, 2009an eta 2013an proba nuklearrak egin izan zituen lekuan.
Zure interesekoa izan daiteke
Iranek ohartarazi du Ekialde Hurbileko "azpiegitura guztiak" suntsituko dituela AEBk harenak erasotuz gero
AEBk hainbat egun daramatza Iranen aurkako erasoak egiten, elkar ulertzeko akordioa urratu izana egotzita. Teheranek, ordea, ukatu egin du akusazioa, su-etena behin eta berriz urratu dela salatu du, eta erasoekin erantzun du, AEBk eskualdean dituen interesen aurka.
Zelenskiren aurkako protesta ezohikoa Kieven
Zelenskik Defentsa ministro erreformazalea kargugabetu ostean piztu da protesta. Gobernuaren barruko tirabirek eta armadaren erreformen inguruko desadostasunek eragin dute krisia.
Mugarik Gabeko Medikuek Gazatik ebakuatutako paziente gehiago har ditzala eskatu diote EBri
Erakundeak salatu du EBko estatu kideek aurten ebakuatutako pertsonen %2 baino ez dituztela hartu. Horrekin batera, ohartarazi du 1.400 pertsona baino gehiago hil direla ebakuazioaren zain zeudela.
Iranek Ormuz itxi du eta Trumpek negoziazio-bideak bilatu nahi ditu
Testuinguru horretan, AEBk Iranen aurkako itsas setioa berrezarri du bart, eta laugarren egunez erasoak egiten jarraitu du. Trumpek Teheran itotzea du helburu eta Golkoan inbertsio akordio berriak egin nahi du.
Gibraltarren jada ez dago hesirik
Gauerdiaz geroztik Espainiatik Gibraltarrera eta Gibraltarretik Espainiara igaro daiteke pasaporterik aurkeztu beharrik gabe. Brexitaren ondoren Europar Batasunak eta Erresuma Batuak sinatutako ituna indarrean sartu da.
Tentsioa gora Persiar golkoan, AEBk Irani eraso egin eta Ormuzen itsas blokeoa berrezarri ondoren
Hirugarren egunez jarraian, AEBk eraso egin die helburu militarrei Iranen eta horrek, errepresalia gisa, base eta estatubatuarren kokalekuei eraso egin die Bahrainen eta Jordanian. Trumpek konpentsazioak eskatu dizkie golkoko herrialdeei emandako laguntzagatik, eta, bien bitartean, petrolioaren prezioa ekainaren erdialdeko balioetara igo da.
Sute batek Fontainebleauko baso ezagunaren zati bat kiskali du, eta litekeena da nahita piztutakoa izatea
Fontainebleauko basoan, Parisko hego-ekialdean, piztutako sute batek 800 hektarea inguru erre ditu dagoeneko, Laurent Nuñez Frantziako Barne ministroak astelehen honetan adierazi duenez.
Von der Leyen, sare sozialetan sartzeko gutxieneko adina ezartzearen alde
Europar Batasunak haurrak Interneten babesteko har ditzakeen neurriei buruz aditu talde batek egindako txostenean oinarritutako proposamena da.
Iranek eta AEBk gogortu egin dituzte erasoak
AEBko indarrek Iranen aurka egindako erasoek Guardia Iraultzailearen erantzuna jaso dute, eta AEBren baseen aurka jo dute Ekialde Hurbileko zenbait herrialdetan.
27 pertsona hil dira Thailandian, Bangkokeko taberna batean izandako sutean
Dozenaka pertsona zauritu dira eta hogei inguru egoera kritikoan daude. Biktimak identifikatzeko lanean ari dira agintariak eta uste dute aire girotuko unitate batean izandako zirkuitulabur batek eragin duela sutea.