'Migrante ekonomikoei Europara ez etortzeko deia' egin die Tuskek
"Migrante ekonomikoei dei egiten diet Europara ez etortzeko". Donald Tusk Europako Batzordeko presidenteak esan ditu hitzok, gaur, Atenasen, Alexis Tsipras Greziako lehen ministroarekin izan duen bileraren ostean. Grezia, jada, ez dela migrazio-pasabiderako herrialdea ere esan du Tuskek.
"Datozen lekutik datozela, migratzaile ekonomiko guztiei esan nahi diet Europara ez etortzeko, trafikatzaileei ez sinesteko eta euren bizitzak eta dirua arriskuan ez jartzeko", esan du EBko buruak, Tsiprasekin batera eman duen prentsaurrean.
Tuskek esan du Shengengo Ituna berriro indarrean sartuko dela Grezian, eta, beraz, ez dela migrazio-pasabiderako herrialdea izango.
"Zigorra"
Bestalde, Tsiprasek iragarri du migratzaileen banaketaren inguruan EBk hartutako erabakiak errespetatzen ez dituzten herrialdeak zigortzeko eskatuko duela datorren astelehenean Bruselan egitekoak diren goi-bileran.
"Greziak ezin du bere gain hartu migratzaileen karga osoa. Lisboako Itunean kargaren banaketa solidarioa adostu zen. Guk gure konpromisoak bete ditugu, eta betetzen ez dituztenak zigortzeko eskatuko dugu", nabarmendu du Tsiprasek.
Lehen ministroaren hitzetan, Grezia dagokiona baino errefuxiatu kopuru handiagoa hartzen ari da, eta ahalegin handia egiten ari da horiei behar bezalako laguntza emateko.
"Behar dutenei laguntzeko eskura ditugun bitartekoak jarriko ditugu. Gure kulturaren parte da. Beste herrialde batzuk ez dute kultura hori", adierazi du.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.