Rubioren eta Sandersen aurrerapauso txikia AEBetako caucusetan
AEBetako barne-hauteskundeetan garaipen txikiak lortu dituzte Marco Rubio eta Bernie Sanders senatariek. Hautagai demokraten arteko debate arinak jardunaldia markatu du hurrengo sari handiaren atarian: Michigango estatua.
Rubiok bere bigarren garaipena lortu du errepublikanoen barne-hauteskundeetan Puerto Ricon irabazita; bitartean Sandersek bere zortzigarren garaipena erdietsi du lehia demokratan, Mainen.
Barne-hauteskundez beteriko asteburua itxi dute bozketek; izan ere, larunbatean caucusak Kansas, Nebraska, Luisiana, Kentucky eta Mainen egin zituzten. Rubio hautagaiak arnasa hartu du. Orain arte boto-emaileak konbentzitzeko arazoak izan ditu alderdi errepublikanoaren hautagaiak.
“Botoen % 70 bereganatu ditut Puerto Ricoko uhartean”, zoriondu da Rubio Boisen (Idaho), mitin batean. Caucusak asteartean egingo dituzte errepublikanoek estatu horretan.
Uhartean jokoan zeuden 23 ordezkariak lortu ditu Floridako senatariak, Donald Trumpi eta Ted Cruzi ia 60 puntuko aldea atera ondoren.
Marco Rubio senatari errepublikanoa Toa Bajan (Puerto Rico). Argazkia: EFE
Hurrengo hitzorduak: Florida eta Michigan
Puerto Ricoko herritarren botoa martxoaren 15ean, Floridan, gertatuko beharrekoaren adibide izatea espero dute Rubioren kanpainako arduradunek. Floridak sari potoloa emango dio irabazleari; izan ere, 99 ordezkari bereganatuko ditu. Hala ere, orain arte Trump da faborito inkestetan.
Bien bitartean, demokraten artean, Sandersek ipar-ekialdean duen nagusitasuna berriro agerian utzi du Mainen. Senatari demokratak botoen % 64 eskuratu ditu. Hillary Clinton Estatu idazkari ohiak, aldiz, bozen % 35 lortu ditu soilik.
Astearte honetan, Michiganen gertatzen dena garrantzitsua izango da. 147 ordezkari banatuko ditu estatu horrek. Clinton da faborito inkestetan.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.