Nepalen hasi dira berreraikitze-lanak, lurrikara izan eta urtebetera
Lurrikara batek 9.000 pertsona hil eta ia milioi bat etxebizitza suntsitu zituenetik urtebete igaro denean, Nepalgo Gobernuak ofizialki abiatu ditu etxeak berreraikitzeko lanak.
Tragediaren lehen urtemugan, K.P. Sharma Oli Nepalgo lehen ministroa Sindhupalchok eskualdera joan da bisitan, lurrikarak gehien astindu zuen ingurura, Gobernuak hainbat promesa egin eta oraindik bete ez baditu ere, iragarpen bat egitera.
Chautara hiriburuan, etxebizitza publiko multzo baten lehen harria jarri du lehen ministroak. Bidhya Devi Bhan Nepalgo presidentea, berriz, Gorkha barrutian izan da, lurrikararen epizentroan, eta gauza bera egin du bertan.
Aurretik, Nepalgo lehen ministroak lurrikaran hildakoak omendu ditu Katmanduko toki esanguratsu batean, Dharahara XIX. mendeko dorre ikonikoa zegoen lekuan, hain zuzen ere.
Hiru eguneko bijilia baten hasieran ere hartu du parte, Katmanduko Maithigar Mandala plazan. Hondamendi haren omenez, ehunka kandela piztu dituzte bertan, eta dozenaka pertsona bertaratu dira egun triste hura kandela bat piztuz gogoratzeko.
Handik hurbil, Tundikhel parkean, ehunka lagun bildu dira kontzertu batean, eta kandela bidez berotuta paperezko puxikak aireratu dituzte bertan. Lurrikara izan ondoren, herrialdean kaltedun gehien hartu zituen kanpalekua parke horretan zegoen; gaur egun ez dago kanpadendarik bertan.
Ia milioi bat etxebizitza kaltetu edo suntsitu ziren 7,6 graduko lurrikararen ondorioz. Ordutik, 30.000 soilik berreraiki dituzte.
Nepalgo ekintzaileen protesta bat, lurrikararen lehen urteurrenean. Argazkia: EFE
Bi milioi herritar bizi dira oraindik aterpeetan
Hondamendia izan eta urtebetera, bi milioi herritar baino gehiago aldi baterako aterpetxe ez seguruetan bizi dira oraindik, Oxfam Intermonek salatu duenez. Kalte handiak jasan zituzten zazpi eskualdetan, ia 500.000 pertsonari lagundu dietela azaldu du gobernuz kanpoko erakundeak, edateko ura, larrialdietarako babeslekuak, elikagaiak, komunak eta oinarrizko beste gai batzuk jarrita horien esku.
Lurrikararen ondorioz, 750.000 etxebizitza baino gehiago kaltetuta edo erabat txikituta geratu ziren.
Gizateriaren ondarea, adreilu pilo bihurtuta
Bakhtapur hiriak, Nepalgo ondare historikoaren harribitxiak, ez ditu oraindik hondakinak gainetik kendu, eta gizateriaren ondarea adreilu pilotan bilduta du gaur egun, herritarrak aurrera egiten saiatzen ari diren bitartean.
Milaka, milioika adreilu geometrikoki pilatzen dira monumentuen inguruan Durbar plazan. Erdi Aroko ?newary? arkitekturaren erakusgarri izan zenak (jauregi itzelak eta luxuzko tenpluak zeuden bertan) Mediterraneoko hondakin erromatarrak edo Estatu Islamikoak suntsitutako Palmira ematen du gaur egun.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.