Txernobyl, 30 urte historiako istripu nuklear larriena gertatu zenetik
Ukrainak historiako ezbehar nuklear larriena gogoraraziko du gaur, Txernobyleko laugarren erreaktorearen leherketa, Kievetik 120 kilometrora. Eztandak erradiazioa atmosferara isuri zuen eta Bielorrusiako eta Errusiako eremu zabalak kutsatu zituen.
Urtemugaren atarian "likidatzaileek" protesta egin dute. Ehunka mila pertsona hondamendiaren ondorioak txikitzen saiatu ziren istripu nuklearraren ondoren, eta euren bizitzarekin edo osasunarekin ordaindu zuten.
Petro Poroxenko Ukrainako presidenteak "esklusio eremua" bisitatuko du gaur. Ezbeharraren ondoren 30 kilometroko segurtasun eremua ezarri zuten zentralaren inguruan. 135.000 pertsona baino gehiago eremu horretatik atera zituzten istripuaren ostean. Eztanda 1986ko apirilaren 26an gertatu zen.
"Likidatzaileen" gobernuz kanpoko erakundeek, zentraleko langile ohiek, Parlamentuko diputatuek eta buruzagiek tragediako biktimei omenaldia egingo diete Kieveko Txernobyl elizan. Hala, 01:23ean, eztanda gertatu zen unean, kanpaiak joko dituzte.
"Likidatzaileen" babes soziala
Martxoaren 17an, zentral nuklearreko behargin ohiei eta "likidatzaileei" zenbait kategoria bueltatzeko legea onartu zuen Rada Gorenak (Ukrainako Parlamentua). 2011an diru-laguntza batzuk kendu zizkieten. Orain doako tratamendu medikoak eta diru-laguntzak itzultzea planteatu zuen Parlamentuak.
Era berean, hildako "likidatzaile" batzuen senitartekoei kalte-ordaina ematea planteatu zuen legeak. Hala ere, Poroxenkok araua atzera bota zuen, eta legea Ganberara itzuli zen, zenbait zuzenketa aztertzeko.
Egun batzuk geroago, martxoaren 23an, "likidatzaileen" elkarteetako milaka kidek manifestazioa egin zuten Kieveko erdialdean, Gobernuari diru-laguntzak itzultzea eskatzeko.
260.000 pertsonak "likidatzaile" estatusa dute Ukrainan, baina 800.000 lagunek parte hartu zuten erradiazioa mugatzeko lanetan, zentraleko langileek, suhiltzaileek, soldaduek eta meatzariek, besteak beste. Hondamendiaren lehen egunetan erradiazio dosi ikaragarriak jaso zituzten. 130.000 "likidatzaile" soilik bizi dira egun.
Sarkofago berriaren eraikuntza Txernobylen (Ukraina). Argazkia: EFE
Sarkofago berria
Ezbehar nuklearra gertatu eta hurrengo hilabeteetan laugarren erreaktorea isolatzeko estalki eraiki zuten, baina orain berria jarri behar diote erradiazioari eusteko.
Horregatik, nazioarteko kontsortzio bat sarkofago berri bat eraikitzen ari da zentralaren alboan, arku formako egitura erraldoi bat (108 metroko altuera, 150 metroko zabalera eta 256 metroko luzera). Urte bukaeran estalki zaharraren gainean jartzea espero dute.
Sarkofago berriarekin laugarren erreaktoreko erradiazioak ihes egitea eragotzi nahi dute agintariek.
ute agintariek.Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.