Obamak Espainian eratzen den 'edozein Gobernurekin' egingo du lan
Barack Obama AEBko presidenteak ziur agertu da gaur bere herrialdeak Espainian era daitekeen "edozein Gobernurekin" lan egin ahal izango duela, eta, ez du iritzirik eman nahi izan ekainaren 26an egindako hauteskundeen osteko negoziazioei buruz.
"Nahiz eta asko inporta zaigun Espainian Gobernu egonkorra egon dadila eta ondo funtziona dezala, harremanaren izaera, AEBren eta Espainiaren arteko lotura ez da egongo boterean dagoen alderdiaren mende", baieztatu du Obamak Mariano Rajoy Espainiako jarduneko presidentearekin bildu ostean hedabideei egin dien adierazpenetan.
"Erabat ziur nago, edozein delarik ere sortzen den Gobernua, eurekin batera lan egin ahal izango dugula", adierazi du.
Obamak ez du esan nahi izan ea arduratuta dagoen Espainiako Gobernu eraketan dagoen atzerapenagatik, baina zorte ona opatu dio Mariano Rajoy "lehen ministroari".
Bere aldetik, Rajoyk Obamari jakinarazi dio Gobernua eratzeko bidean "beharrezkoak diren ahalegin oro" egiteko prest dagoela, beste hauteskunde batzuk egotea "txantxa astuna izango bailitzateke".
"Gobernua eratzeko beharrezkoak diren ahalegin guztiak egingo ditudala esan diot", azaldu du Rajoyk biek batera egin duten agerraldian, Moncloa jauregian ordu erdiz elkarrizketatu ondotik.
Mariano Rajoy eta Barack Obama, bilerara sartu aurretik. EFE
Felipe VI.arekin batzarra
Rajoyrekin bildu aurretik, Obama presidentea Felipe VI.a Espainiako erregearekin elkartu da Errege Jauregian, eta, bertan azpimarratu duenez, AEBren eta Espainiaren artean "harreman sakona eta estua" dago.
Egin duen mintzaldi laburrean Obamak azaldu duenaren arabera, bera Madrilen egotearen xedea da Ameriketako Estatu Batuak eta Espainia lotzen dituen "aliantza handia" irudikatzea. Berea aburuz, askatasuna, Zuzenbide Estatua eta pertsona ororen duintasunarekiko errespetua bezalako "balioak eta idealak" partekatzen dituzten bi herrialde aliatu dira, eta horrek elkarrekin lankidetzan aritzea ahalbidetzen du aldebiko eran zein alde askotako foroetan.
Barack Obama eta Felipe VI.a erregea. EFE
Oposizioko buruzagiekin bilera
Felipe VI.arekin eta Mariano Rajoyrekin bildu eta gero, Barack Obamak aldebiko topaketa laburrak egin ditu PSOE, Podemos eta Ciudadanoseko buruekin, hau da, Pedro Sanchez, Pablo Iglesias eta Albert Rivera, hurrenez hurren.
Hasiera batean, 10 minutuko bakarka bilerak izan behar zituen politikari bakoitzarekin, baina azkenean asmo hori asko murriztu da. Hirurak batera egon dira Obamaren zain ordu betez baino gehiagoz berarekin elkartzeko. Hirurek batera elkarrekin argazki bat atera dute Obamarekin.
Topaketa horiek bukatuta, Rotako itsas-basera (Cadiz) egin du espero zena baino ordu bat beranduago. Bertan, hitzaldi bat eman du AEBko eta Espainiako tropen aurrean. Ondoren, Washingtonera egin du Rotatik bertatik.
Obama Rotara hegazkinez bidaiatu aurretik. EFE
AEBko presidenteak, azkenerako, 24 ordu baino gutxiago eman ditu Espainian. Atzo gauean lur hartu zuen Madrilen, eta hitzordu ugari izan ditu; izan ere, ahalik eta ekimen gehien gauzatu nahi izan ditu Dallasko gertakarien poderioz egun batez laburtu behar izan duen bisitaldian. Obamarena AEBko presidente batek 15 urteren buruan Espainiara egindako lehen bisitaldi ofiziala izan da.
Protestak bisita dela-eta
Ehunka pertsona bildu dira gaur AEBk Madrilen duen enbaxadaren aurrean Obamaren bisitaldiaren aurrean euren sumina adierazteko asmoz. Haien iritziz, AEBko presidentearen "irribarrearen eta hitz gozoen atzean" zigortutako herrialdeen "izu- eta odol-oihuak" ezkutatzen baitira.
Aldi berean, Greenpeace talde ekologistako sei eskalatzailek Madrileko Kale nagusiko Metropolis eraikinean Barack Obamari zuzendutako pankarta erraldoi bat jarri dute. Bertan, "Yes we can stop TTIP" ("Bai, TTIP gera dezakegu") irakur zitekeen, hau da, Europaren eta AEBren arteko Merkataritza eta Inbertsio Lankidetza Transatlantikoa.
Greenpeace talde ekologistaren ekimena. EFE
Zure interesekoa izan daiteke
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdietako liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.