Guantanamo dirudi, baina Australiako adingabe-zentro bat da
Malcolm Turnbull Australiako lehen ministroak iragarri du ikerketa abiatuko dutela herrialdearen iparraldean dauden adingabe-zentroetan, tortura kasu baten berri izan ostean.
"Four Corners" ABC telebista-kateko saioak Don Dale zentroko (Berrimah, Ipar Lurraldea) irudiak emititu ditu bart. Horietako batean, adibidez, nerabe bat ikus daiteke, aulki batera lotuta, eta aurpegia kaputxa batekin estalita. Beste batean, zaindariak ageri dira, ziega batean gas negar-eragilea jaurtitzen. Oro har, torturak ikus daitezke, zentroko segurtasun kamerek grabatuta.
Horren ildotik, Turnbull "hunkituta" agertu da, eta Ipar Lurraldeko zentroetan torturen erabilera sistematikoa ote den ikertuko dutela aurreratu du.
ABCko irudiak ikusi ostean, Australiako Gobernuak hartutako lehen neurrietako bat izan da John Elferink Ipar Lurraldeko Espetxe Zerbitzuetako ministroa kargugabetzea.
Irudiek hautsak harrotu dituzte herrialdean, eta politikariek, eragile sozialek eta GKEk gaitzetsi egin dituzte torturak.
John Lawrence abokatuak, adibidez, adierazi du aipatutako zentroko adingabeek Guantanomoko presoen tankerako tratua jasotzen dutela.
Ipar Lurraldean, adingabe-zentroetan dauden pertsonen % 96 aborigenak dira, eta horietako asko senideek abandonatu dituzte.
Argazkia: EFE
ABCren saioan ageri den biktimetako bat Dylan Voller (17 urte) da. Irudiotan, eserleku batean kateatuta ikus daiteke, buruan arnastea zailtzen dion kaputxa zuri bat duela. Hanketatik, besoetatik eta lepotik kateatuta dago, bere buruari min egiten saiatu zelako 'zigortzeko'.
Beste irudi batean, zaintzaileak ageri dira, dozena erdi gazte dauden ziega batean gas negar-eragilea jaurtitzen, barre egiten ari diren bitartean.
10 eta 17 urte arteko aborigenak Australiako presoen % 59 dira. Herrialdean 23 milioi biztanle daude, eta, horietatik, 450.000 dira aborigenak, Amnistia Internazionalen arabera.
Aborigenak sistematikoki baztertu egin izan dituzte Australian, eta, gainera, lurren jabegoa kendu diete.
Are gehiago, XX. mendean bertan, seme-alabak ere kendu zizkieten, familia zuriei emateko. Orotara 100.000 adingabe aborigen 'ostu' zituzten 1910etik 1970era. "Belaunaldi galdua" deitzen diete.
Zure interesekoa izan daiteke
Netanyahuk eta Merzek lankidetza militarraz eta teknologikoaz hitz egin dute gaurko batzarrean
Israelgo lehen ministroak Alemaniak Israelekiko duen jarrera goraipatu du, eta herrialdea "Israelen defentsarekin konprometituta" dagoela esan du.
Gutxienez 25 pertsona hil dira diskoteka batean izandako sutean, Indian
Sutea Goa estatuko Arpora udalerriko eremu turistiko batean gertatu da. Poliziak ikerketa abiatu du gertatutakoa argitzeko.
Ehun bat lagun kalera atera dira Bilbon Maduroren kontra eta Machadoren alde
Mundu osoko 130 hiritan protestak deitu dituzte Venezuelako Gobernuaren aurka, eta asteazkenean Bakearen Nobel saria oposizioaren ordezkariari emango diotela ospatzeko.
Lau ekintzaile atxilotu dituzte Londresko Dorreko bitxien aurka janaria jaurtitzeagatik
Ekintza horrekin, Erresuma Batua “muturreko aberastasuna zergapetu eta konpontzeko” herritarren batzar bat ezartzeko eskatu nahi izan dio Take Back Power taldeak Erresuma Batuko Gobernuari. Sare sozialetan zabaldu dituzte horren irudiak, eta aretoa itxi dute, kalteak ikertu arte.
Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Alemaniako Parlamentuak argi berdea eman dio soldadutzaren lege berriari
Legearen zirriborroan jasotakoaren arabera, nahitaezko errekrutamendua aktibatuko da, egoerak hala eskatzen badu eta nahikoa boluntario erakartzea lortzen ez bada.
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.