Eraso bat egiteko asmoa zuen ustezko jihadista hil dute Kanadan
Kanadako hiri nagusietako batean eraso suizida berehala egiteko asmoa zuen Estatu Islamikoaren ustezko jarraitzaile bat hil du gaur Poliziak, bertako komunikabideek jakitera eman dutenez.
CBC Kanadako telebista publikoak hildakoa identifikatu du. 24 urteko Aaron Driverrek duela bi urte talde jihadistarenganako begikotasuna azaldu zuen lehen aldiz.
Polizia operazioa Strathroyn egin dute, Torontotik 225 kilometro mendebaldera.
Aldez aurretik, “mehatxu terrorista” zapuzteko operazio baten berri eman du Kanadako Poliziak, baina susmagarriaren xehetasunik eman gabe.
Ondoren, telebista publikoak ustezko jihadistaren irudia zabaldu du, buru-beroki batekin estalita. “Susmagarri baten eraso terroristaren mehatxuaz ohartarazi du Gobernuak mezu batean”, jakinarazi dute.
CBCk azaldu duenez, Driver Winnipegekoa (Kanadako erdialdea) eta Estatu Islamikoaren jarraitzaile ezaguna zen. 2014an identifikatu zuen lehen aldiz Kanadako zerbitzu sekretuak, Twitter sare sozialean talde jihadistari babesa adierazteko mezuak idatzi zituenean, Harun Abduranham izengoitiarekin.
2015ean atxilotua
Driver 2015eko ekainean atxilotu eta baldintzapeko askatasunean utzi zuten, mugimenduak murrizteko; izan ere, ekintza terroristak aurrera eramateko lanean ari zela uste zuten Kanadako buruzagiek.
Bestalde, Driverrek lehergailu bat erabiltzeko asmoa omen zuen, eraso suizida bat egiteko toki publiko batean, baina operazioan lehergairik atzeman ote duten ez dute zehaztu, CTV telebistak azpimarratu duenez.
Poliziak operazioa goizeko lehen orduan egin du; izan ere, Driverrek erasoa berehala puntako orduan egiteko beldurra zuten agintariek.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.