Suteei aurre egiteko EBren laguntza eskatu du Portugalek
Portugalgo Gobernuak Europar Batasunari (EB) laguntza eskatu dio, sute-oldeari aurre egiteko. Madeirako artxipelagoan, Funchal hiriburuan, sugarrek hiru hildako eta ehunka zauritu utzi dituzte.
Babes zibileko Europako mekanismoa martxan jarri eta dagoeneko Canadair Italiako hidrohegazkina jaso dutela baieztatu du Constança Urbano de Sousa Portugalgo lehen ministroak.
Haizea eta tenperatura altuak etsai nagusiak dira Funchaleko sute handiari aurre egiteko orduan. Suak Madeirako hiriburua estutasunean jarri du.
Sua hiri malkartsuko alde garaian hasi zen eta 24 urteko piromano batek kitzikatu zuen. Bart erdialde historikora heldu zen. Sugarrek hondamendiaren arrastoa utzi dute atzean.
Bertako buruzagien arabera, sua aktibo dago eta fronte ezberdinak ditu, baina ez hain bizi. Lisboako eta Azoreetako laguntza heldu da.
Balantze ofizialaren arabera, behin-behinekoa oraindik, familia bereko hiru kide hil dira, mila bat pertsona ebakuatu behar izan dituzte eta 300 bat pertsona zauritu dira, gehienak kea arnastuta.
Kalte materialei dagokionez, suak dozenaka etxebizitza kiskali ditu, merkataritza-gune bat eta luxuzko hotel bat hiriko ekialdean: Choupana Hills Resort & Spa.
Turistek alde egin dute
Funchalek 120.000 bat biztanle ditu eta Cristiano Ronaldo futbolaria bertakoa da. Portugalen bisita gehien jasotzen dituen hiria da. Ondorioz, turista atzerritar asko hiritik atera behar izan dituzte.
Ezohiko bilera batean, Madeirako Exekutiboak Lisboari laguntza ekonomikoa eskatu dio, berreraikitzeko eta suak hondatutako azpiegiturak eta jarduera ekonomikoak eta sozialak berreskuratzeko.
Aveiro, Oporto eta Leiria
Ez dira bakarrak; izan ere, Portugal kontinentalean ehun bat sute daude, horietako dozena bat inguru handiak dira.
Larriena iparraldean, Aguedan (Aveiro) dago, Babes Zibileko Agintaritza Nazionalak (ANCP) azaldu duenez.
Iparraldean ere, Oportoko barrutian, sugarrek Gondomarreko herriak aztoratu dituzte. Bitartean, Leirian (erdialdea) beste sute handi batek kezkatzen du.
Zure interesekoa izan daiteke
Erlojuaren aurka ari dira Venezuelan, lurrikarak izan ostean bizirik egon daitezkeenak erreskatatzeko
Nazioarteko lehen laguntza-taldeak eta baliabide logistikoak iristen eta zabaltzen hasi dira. Bitartean, hildakoen eta zaurituen kopuruak gora egiten jarraitzen du etengabe: azken datuen arabera, 1.000 inguru dira hildakoak eta 3.360 baino gehiago dira zauritutakoak.
AEBk Iran bonbardatu du, Ormuzko itsasartean itsasontzi batek erasoa jaso ostean
AEBk drone eta misil biltegien aurka egindako erasoek, beraz, arriskuan jarri dute itsasartea berriro irekitzeko akordioa, eta bake prozesuari buruzko negoziazioek kolokan jarraitzen dute.
Israelek eta Libanok bake akordioa lortu dute Estatu Batuen bitartekaritzarekin
Benjamin Netanyahuk iragarri duenez, Washingtonen lortutako akordioaren ostean, Libano hegoaldean dauden indar israeldarrak bi eremutatik erretiratuko dira. Hezbollah-ek, bere aldetik, ez du akordioa onartu.
Bi euskal herritar desagertuta daude Venezuelako lurrikaren ostean
Zehazki, emakume donostiar bat eta gizon bilbotar bat dira. Orduak igaro ahala, bizirik aurkitzeko aukerak murriztu egiten dira, baina senideek eta lagunek onik topatzeko itxaropenari eusten diote. Bestalde, atzo baieztatu zen Alazne Solabarrieta euskal jatorriko emakumea hil dela.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.