Clintonek ez du onartu Peña Nietok Mexiko bisitatzeko egindako gonbita
Enrique Peña Nieto Mexikoko presidenteak herrialdea bisitatzeko egindako gonbidapena baztertu egin du Hillary Clinton AEBko Alderdi Demokrataren presidentegaiak, eta Donald Trump Etxe Zurirako hautagai errepublikanoak Mexikora egindako bidaia kritikatu du.
ABC telebista kate estatubatuarrari eskainitako elkarrizketan, Clintonek adierazi du ez duela onartuko Peña Nietok herrialdea bisitatzeko egin dion gonbidapena.
Donald Trump hautagai errepublikanoak Mexikora egindako bisitaz galdetuta, Trumpek "haserre diplomatikoa" eragin zuela nabarmendu du Clintonek; izan ere, Peña Nieto Mexikoko presidenteak baztertu egin zituen aurrez Trumpek Mexikoko mugan hesia eraikitzeko asmoaz esandakoak.
Mexiko eta AEB arteko hesia nork ordainduko duen ez zutela bileran jorratu esan zuen Trumpek. "Gauza bat esanez etorri zen, eta Mexikoko presidenteak ia berehala ezeztatu zuen Trumpek esandakoa", adierazi du Clintonek.
"Ez zuen planteatu, hortaz, paralizatuta gelditu zen. Ez zuen jakin estatuburu batekin komunikatzen eta bidaia horretako emaitza garbia dela uste dut, esan du Clintonek, Trumpen hitzak onartuz.
Hala ere, Peña Nietok Twitterren duen kontuan azaldu duenez, Mexikoko hesiaren gaiaz aritu zen Trumpekin izandako bileran, eta Mexikok ez zuela hesi hori ordainduko nabarmendu zuen.
Trumpen bisita jaso ondoren, Mexikoko Gobernuak iragarri zuen Hillary Clintoni ere egingo ziola herrialdea bisitatzeko gonbidapena. Clintonek, baina, baztertu egin du.
ztertu egin du. ztertu egin du.Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.