Ezezkoa nagusitu da Kolonbian bake-itunaren inguruko galdeketan
Astebete inguru Kolonbiako Gobernuak eta FARCek lortutako bake-akordioak ezezkoa jaso du erreferendumean, datu ofizialen arabera.
Mahaien % 99,85eko botoak zenbatuta, bake-itunaren kontrako botoak 6.430.170 izan dira (botoen % 50,22), eta horren aldekoak 6.371.911 (% 47). Botoen erdia zenbatu dutenetik aurrera, emaitzek ezezkoaren aldeko joera hartu dute, eta horrela bukatu da zenbaketa.
Datu ofizialen arabera, parte-hartzea % 37,41ekoa izan da. 13.059.173 kolonbiarrek eman dute botoa, baina 34.899.945 herritar zeuden botoa ematera deituta. Abstentzioa, beraz, % 62,59koa izan da.
Emandako botoetatik, 12.802.081 balekoak izan dira, 86.186 ez dituzte markatu eta 170.909 baliogabetu egin dituzte.
Askoren ustean, emaitzek zalantzan jarri dute 52 urteko gatazkari azkena eman zion prozesua. Ituna lortzeko negoziazioak orain dela lau urte hasi ziren Habanan, Kolonbiako Gobernuaren eta Amerikako gerrillarik zaharrenaren artean.
Juan Manuel Santos Kolonbiako presidenteak esan du "bakearen bila" jarraituko duela agintaldi honetan, eta Kolonbiako Indar Armatu Iraultzaileekin (FARC) lortutako akordioak indarrean jarraitzen duela azpimarratu du.
"Ez dut etsiko, bakea bilatzen jarraituko dut, nire agintaldiko azken eguneraino", azaldu du emaitzak ezagutu eta gero Nariñoko Etxean egindako prentsaurrekoan.
Santosek nabarmendu duenez, "su-etenak indarrean jarraituko du kolonbiar guztiek, salbuespenik gabe, bakea nahi dutelako".
Presidenteak kazetarien aurrean egindako iragarpenaren arabera, Kolonbiako Gobernuaren ordezkaritza batek Habanara bidaiatuko du FARCeko ordezkariekin biltzeko.
Timoleon Jimenez 'Timochenko' FARCeko buruaren esanetan, FARCek "bakearen aldeko borondatea" dauka eta "etorkizuna eraikitzeko, hitza bakarrik erabiltzeko asmoa" du.
"Kolonbiako Indar Armatu Iraultzaileek penagarritzat jotzen dute gorrotoa eta aiherra sustatzen dituztenek Kolonbiako herritarren iritzian eragin izana", gaineratu du Timochenkok, bake-ituna babesteko galdeketan ezezkoa nagusitu dela zabaldu ostean egindako lehen agerraldian.
Horren hitzetan, hasierako gogoeta egin ondoren, gerrillak bilera bat egiteko asmoa du, herri galdeketaren emaitzen "xehetasunak lasaitasunez aztertzeko".
Alvaro Uribe Kolonbiako presidente ohia "itun nazional handi bat" bultzatzeko ekarpenak egiteko prest azaldu da, bere alderdiak sustatu duen ezezkoa gailendu ostean.
ailendu ostean.Albiste gehiago mundua
Charlie Kirk ekintzaile kontserbadorea tiroz hil dute ekitaldi jendetsu batean
Kirk, AEBko presidentearen aliatu estua, tiroz hil dute Utahko unibertsitate batean izandako ekitaldi jendetsu batean, errepublikarren artean sekulako iskanbila eraginez, herrialdean indarkeria politikoa areagotzen ari den une honetan.
Albiste izango da: NATO-Errusia harremana, lehendakariaren bidaia ofiziala Kanarietara eta Diada Katalunian
Hauek dira Orainek gaur landuko dituen gai nagusietako batzuk.
Gatazka "hedatzeko benetako arriskuaz" ohartarazi dute, drone errusiarrak Polonian sartu ostean
Antonio Guterres NBEko idazkari nagusiak adierazi duenez, "Gertakariak Ukrainaren aurka droneekin eta misil errusiarrekin egindako eskala handiko eraso batean jazo omen ziren, baina eskualdean duen eragina eta gatazka hau hedatzeko benetako arriskua azpimarratzen ditu".
:eitb-banner?$eitb-banner$&fmt=png-alpha&qlt=80)
Europar Batasunaren eta Israelen arteko merkataritza harremana, zenbakitan
EB da Israelen bazkide komertzial nagusia, AEBren aurretik. Iaz, Israelen eta EBren arteko truke ekonomikoa 42.600 milioi eurokoa izan zen.
Sua Paris erdialdeko jatetxe batean, doikuntzen aurkako protesten erdian
Suhiltzaileek Pariseko erdialdeko jatetxean piztutako sutea itzaltzea lortu dute. Milaka pertsona kalera atera dira gaur Frantzia osoan, 2026ko aurrekontuetan ia 44.000 milioi euroko doikuntza egiteko Gobernuaren planak salatzeko.
300 atxilotu inguru Frantzian, doikuntzen aurkako protesta egunean
Alderdiak eta sindikatuak alde batera utzita antolatu da 'Dena blokeatu dezagun' mugimendua eta helburua herrialdea geldiaraztea da. Polizia indarrek berrogeita hamar bat blokeo desegin dituzte, batez ere autobideetan eta garraio azpiegituretan, aurrekontu doikuntzen aurkako protesta egunaren hasieran.
Doikuntzen aurkako protesta eguna Frantzia osoan
"Dena blokeatu dezagun" leloa duen protesta sare sozialetan sortu zen hasiera batean, baina gero ezkerreko erakunde eta pertsonek bat egin dute, LFIren eta sindikatu batzuen babes nabarmenarekin. 2026ko aurrekontuetan ia 44.000 milioi euroko doikuntza egiteko Gobernuaren planak salatzeko deitu dituzte protestak.
Haurren obesitateak pisu txikikoa gainditu du lehen aldiz: hamar haurretatik batek gizentasuna pairatzen du munduan
Unicefek ohartarazi du elikagai ultraprozesatuen eraginaz eta haurrei zuzendutako publizitate oldakorraz, osasun, gizarte eta ekonomia ondorio larriak dituen epidemia globala bultzatzen ari dela.
Alex Txikon, Nepalgo protesten lekukoa: "Poliziak tiro egin die parlamentuko hormara igo direnei"
Alex Txikon alpinista bizkaitarra Katmandun zegoen protestak piztu zirenean. Nepalgo poliziak parlamentuan sartzen saiatzen ari zirenei tiro nola egin dien lekuko izan da Txikon. "Katmandu erabat itxita dago eta liskarrak daude", adierazi du.
Ursula von der Leyenek proposatu du Israelekin merkataritza gaietako akordioaren suspentsio partziala
Europako Batzordeko presidenteak, gainera, zigorrak planteatu ditu muturreko ministroentzat eta kolono bortitzentzat. Proposamenak, baina, 27en oniritzia beharko du aurrera egin dezan.