Gutxienez 9 pertsona hil dira Kariben, Matthew urakanaren ondorioz
Matthew urakanak gutxienez bost hildako eta 10 zauritu eragin ditu Haitin eta beste lau hildako, berriz, Dominikar Errepublikan. Saffir-Simpson eskalan lauko indarra duen urakanak asteartean ukitu zuen lurra Haitin.
Ozeano Atlantikoan 2007. urteaz geroztik sortu den urakanik bortitzena da. 130 pertsona hil ziren orduan Felix urakanaren ondorioz.
Haitin, haize-boladek 220 kilometro orduko abiadura hartu zuten. Larrialdi zerbitzuek zabaldutako informazioaren arabera, urakanak Grand Goave hiriko zubi nagusia suntsitu du. Gainera, argindarraren etenak izan dira, eta telefono eta internet zerbitzuan ere arazoak izan dira.
Halaber, 14.000 pertsonak etxetik atera behar izan dute, eta aterpetan eta partikularren etxetan babestu dira, iturri ofizialen arabera.
Dominikar Errepublikan, 21.591 desplazatu eragin eta 447 etxebizitza kaltetu ditu urakanak. Halaber, 31 herri bakartuta gelditu dira. Guztira, 22 probintzia daude alerta maila gorenean.
Matthew urakana Bahama uharteetarako bidean da orain, AEBko Urakanen Zentro Nazionalak (NHC) jakinarazi duenez, eta Floridan urakan abisua zabaldu du. NHCren 23:00etako boletinaren arabera, urakanaren begia Kubako kostaldetik urruntzen ari zen eta Guantanamotik 85 kilometrora zegoen. Urakanak Bahama uharteetarako bidea hartu du, eta 215 kilometro orduko haize-boladak eragiten ari da. Aurreikuspenen esanetan, urakanak Bahama uharteak zeharkatuko ditu ostegunean, eta ostegun gauean hurbilduko da Floridara.
Zure interesekoa izan daiteke
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.