Kolonbiako Gobernuak eta FARCek bigarren bake-akordioa adostu dute
Kolonbiako Gobernuak eta FARCek bigarren bake-akordioa sinatu dute larunbat honetan Habanan (Kuban). Irailean adostutako eta kolonbiarrek baztertutako itunaren aurkako sektoreek egindako ekarpenak bildu dituzte oraingoan.
"Bakea eta adiskidetzea erdiesteko kolonbiarren nahiari erantzunez, akordio berria hitzartu dugu", zehaztu dute bi aldeek Habanan irakurritako agirian. Kubako hiriburuan egin dituzte azken lau urteotan bakea bideratzeko negoziazioak.
"Bake egonkorra eta iraunkorra" lortzeko asmoz, Kolonbiako Gobernuko eta FARCeko negoziazio-buruek (Humberto de la Calle eta Ivan Marquez hurrenez hurren) bederatzi egun pasa dituzte Habanan bilerak egiten.
"Gizarteko hainbat sektorek proposatutako ekarpenak eta banan-banan aztertutakoak bildu ditugu akordioan", adierazi dute prozesua bermatzeaz arduratu diren Kuba eta Noruegako enbaxadoreek irakurritako testuan.
"Bake egonkorra eta iraunkorra eraikitzea da itun berri honen xedea, eta kolonbiar guztien konpromisoa izan behar du horrek, polarizazioak ekidin eta adierazpen politiko eta sozial guztiak batzeko", gehitu dute.
Gainera, negoziatzaileek deia egin diete "Kolonbia osoari eta nazioarteko komunitateari, hitzarmena laguntzeko eta babesteko, adiskidetzearen bila solidarioak izan baitira beti". Horrez gain, "laster ezartzeko beharra" azpimarratu dute, "gudaren tragedia atzean uzteko". Izan ere, argudiatu dutenez, "bakeak ezin du gehiago itxaron".
Albistearen berri izan ostean, dozenaka kolonbiar kalera irten dira, Bogotako Bolivar plazara. Han, euripean ospatu dute Gobernu kolonbiarraren eta FARC gerrillaren akordioa.
Santosek baieztatu du FARCek ondasunak eta dirua emango dituela
Habanan zehaztutako testuaren arabera, Juan Manuel Santos Kolonbiako presidenteak baieztatu du FARCek ondasunak eta dirua entregatu beharko dituela biktimen minaren ordainetan.
"FARCek ondasun guztiak deklaratu eta entregatu beharko ditu, biktimei emateko", esan du Casa de Nariño etxean egindako adierazpenetan, exekutiboaren egoitzan.
FARCek dio "zentzuzko" mugak baino ez dituztela ipini
Bestalde, FARC gerrillaren iritziz, muga "zentzuzkoak eta onargarriak" baino ez dituzte ipini negoziazio-prozesuan, eta Habanako ituna "adiskidetasunaren herrialde" baten eraikuntzaren abiapuntua izan beharko litzatekeela nabarmendu dute.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.