Trumpek agindua sinatu du AEB TPP merkataritza-akordiotik ateratzeko
Donald Trump AEBko presidenteak herrialdea Lankidetza Transpazifikorako Itunetik (TPP) ateratzeko agindua sinatu du. Beste hamaika herrialdek hartzen dute parte hitzarmen horretan.
"Luzaroan aritu gara honen inguruan hizketan", esan du Trumpek agindua sinatu ostean, Mike Pence presidenteordea, Reince Priebus kabineteburua eta Steve Bannon eta Jared Kushaholkari aholkulariak alboan zituela.
AEB TPP akordiotik ateratzea "oso ona da langile estatubatuarrentzat", nabarmendu du Trumpek.
Merkataritza-akordio hori negoziatzen sei urte baino gehiago igaro ostean, 2016. urtearen hasieran sinatu zuten. Gaur egun, ituna adostu zuten herrialdeetako parlamentuek berretsi zain daude, hitzarmena martxan ipini ahal izateko.
Trumpek zergak "nabarmen" jaitsiko dituela iragarri du
Era berean, Trumpek zergak eta merkatuaren erregulazioa "nabarmen" jaitsiko duela iragarri du astelehen honetan, Etxe Zurian zenbait enpresabururekin izandako bilera amaitu ondoren.
Hamar enpresagizonekin batzartu ostean, presidente izendatu berriak zergak % 15 edo % 20 jaitsiko dituela esan du; merkatuaren erregulazioa, ordea, % 75.
Trumpek mota honetako bilerak egiteko asmoa adierazi du hiruhiletik behin, eta jaitsiera horrek enpresa handiei eta ertainei eragindo diela azaldu du. Halaber, ohartarazi duenez, AEBtik kanpo ekoizten dutenei muga-zerga esanguratsuak ezarriko dizkie.
Ziurgabetasuna eta harridura
TPPa bultzatu duten herrialdeetako batzuek adierazpenak egin dituzte Trumpen erabakia ezagutu eta gero. Hauek dira TPParen parte diren herrialdeak: Japonia, Australia, Brunei, Kanada, Txile, Malasia, Mexiko, Zeelanda Berria, Peru, Singapur eta Vietnam.
Australiak esan du espero duela akordioa mantentzea, eta Txinari zein Asiako beste herrialde batzuei itunarekin bat egiteko deia egin die. Zeelanda Berriak, bere aldetik, iragarri du gainerako kide diren herrialdeak bildu egingo direla "nola aurre egin aztertzeko".
Japoniaren ustean, TPPa "zentzugabekeria" AEB barik. Horren ildotik ere jo du Txilek: "(TPP) ezagutzen genuen moduan", bertan behera geratu da.
Txinak,bestalde, iragarri duenez, Beijingek ikuspegi ekonomikotik bat egiteko TPPaz bestelako moduak bultzatzen jarraituko du, azken urteetan bezala.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.