Bukatu da Rigopiano hoteleko operazioa: 29 hildako; 11 lagun bizirik
Italiako erreskate taldeek bukatu egin dute jada aurreko asteko asteazkenean abiarazitako operazioa, elur-jausi handi batek Farindola (Abruzzo eskualdea) herrian dagoen Rigopiano hotela harrapatu eta gero, 40 pertsona zeudela.
Behin betiko balantzea, alabaina, zoritxarrekoa da: 29 hilotz atera dituzte eraikinetik eta 11 pertsonak bizirik irtetea lortu dute (horietako 2 instalazioetatik kanpo zeuden une horretan, baina gertu).
Zehatz-mehatz, 15 gizonezko eta 14 emakumezko hil dira ezbeharrean, baina, momentura arte, 20 pertsona baino ez dituzte identifikatu, Italiako zenbait hedabidek adierazten dutenez.
Bizirik irtetea lortu duten 11 pertsonetatik bik prentsaurrekoa eman zuten atzo, asteazkena, eta, azaldu zutenez, inork ez zien ohartarazi "elur-jausia izateko arriskuaz". Gainera, baieztatu zuten ostatu hartuta zeuden guztiak "ikaratuta" egon zirela eraikineko "atarian, elurra kentzeko makina noiz etorriko zain", alde egin ahal izateko.
"Lurrikarak izan zirenean, denok izutu ginen eta, ondoren, atarian bat egin genuen elurra kentzeko makinaren zain", esan zuen bietako batek. "Inork ez zigun ohartarazi elausoa izateko arriskuaz, lurrikara indartsua zela uste genuen", gaineratu zuen.
Bikoteak 50 ordu baino gehiago eman zuen harrapatuta, ostiralean erreskate taldeek erreskatatu zituzten arte.
Orain, Fiskaltza gertatutakoa ikertzen ari da, larrialdi egoeraren aurrean agintariek emandako erantzuna argitzeko, zabaldu baita hotelaren zuzendariak mail bat bidali zuela asteazken arratsalde-iluntzean laguntza eske, eta zenbait ordutan ez zioten kasurik egin. Gainera, elurra kendu behar zuen makinak "bost hilabete matxuratuta" zeraman, ordezkari politiko batzuek salatu zutenez. Halaber, 100.000 lagun baino gehiago argindarrik gabe egon dira 3-4 egunez.
Luxuzko hotela elurpean utzi zuen elur-jausia aurreko asteazkenean (hilak 18) Italiako erdigunea astindu zuten lurrikarek eragin zuten. 24 ordu baino gutxiagoan, Richter eskalan 5 graduko indarra hartu zuten lau sismo izan ziren.
Gurutze Gorriko kide batzuk atzo, hildako baten hiletan. Foto: EFE
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.