Eskoziak bigarren erreferenduma egin nahi du 2018an edo 2019an
Nicolas Sturgeon Eskoziako ministro nagusiak gaur iragarri duenez, Eskoziaren independentziari buruzko bigarren erreferenduma egiteko prozedura abian jarriko du Gobernuak. Bigarren erreferenduma 2018ko udazkenaren eta 2019ko udaberriaren artean egin nahi du.
Edinburgoko Bute House egoitza ofizialean eskainitako prentsaurrekoan Sturgeonek adierazi duenez, "beranduegi" izan baino lehen egin behar da erreferenduma. SNP Eskoziako Alderdi Nazionaleko buruaren esanetan, eskoziarrek nazio independente izan edo Theresa May lehen ministroak proposatzen duen brexit "gogorraren" artean aukeratu behar dute. Theresa Mayk esana du Erresuma Batua Europar Batasunetik ez ezik, Europako merkatu bakarretik atera nahi duela.
"Nire iritziz, garrantzitsua da Eskoziak bere etorkizuna aukeratzeko eskubidea izatea aukerak orain baino argiago daudenean, baina gure bidea erabakitzeko beranduegi izan baino lehen", azaldu du.
Theresa Mayk Erresuma Batuko lehen ministroak herrialdea Europar Batasunetik ateratzeko prozedura abian jartzea espero den egunaren bezperan egin du iragarpena Eskoziako ministro nagusiak.
Nicolas Sturgeonek azpimarratu duenez, datorren astean babesa eskatuko dio Eskoziako Parlamentuari, Erresuma Batuarekin bigarren erreferendum bat negoziatzen hasteko.
Legediaren arabera, Eskoziak Erresuma Batuko Gobernuaren eta Parlamentuaren oniritzia behar du galdeketa egiteko. Behin hori egindakoan, erreferendumaren data eta nondik norakoak zehaztuko lirateke.
Albiste gehiago mundua
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.