Gobernuaren aldekoak eta oposizioa kalera atera dira Venezuelan
Venezuelako Gobernuaren aldekoak eta oposizioaren jarraitzaileak kalera atera dira gaur Caracasen eta beste hainbat herritan, Nicolas Maduro presidenteak Asanblea konstituziogilea deitu ondoren.
Gobernuaren aldekoak Caracaseko Diego Ibarra plazan batzartzen ari dira, Madurori babesa agertzeko.
Astelehenean, presidenteak ohartarazi zuen ez duela beste “alternatibarik” eta horrela bakea lortuko duela eta “Estatu kolpea” garaituko duela.
Prozesu konstituziogilea hurrengo asteetan abiatuko da, atzo Elias Jaua Asanblea Konstituziogilerako Presidente Batzordeko buruak zehaztu zuenez.
Bestalde, oposizioa herrialdeko hainbat lekutan ari da elkartzen. Caracasen, Francisco Fajardo autobidea da topagunea. Hiriko bide nagusia da, eta bertan “ezusteko” mobilizazioa egin nahi dute.
Julio Borges Parlamentuko presidentearen esanetan, Maduroren erabakiak demokrazia “deuseztatzea” ekarriko du, eta, horregatik, matxinatzeko deia egin die herritarrei.
Caracaseko Metroak ez du zerbitzurik emango gaur, “erabiltzaileak, langileak eta instalazioak babesteko”.
Azken hilabetean dozenaka protesta egin ditu oposizioak, eta horietako batzuetan istiluak izan dira.
Agintarien esanetan, 29 pertsona hil dira protestetan. Gainera, 500 zauritu dira, eta milatik gora atxilotu dituzte.
Albiste gehiago mundua
Rubin behatokiak "inoiz egin den gaueko zeruko filmik osoena" izango denaren lehen irudiak argitaratu ditu
Irudi hauek "time-lapse" baten hasiera dira, hamarkada batez zeru australa kartografiatu ondoren osatuko dena. Energiaren eta materia ilunaren ezaugarriei, Esne Bidearen eraketari, eguzki-sistemako gorputz txikien propietateei eta arriskutsuak izan daitezkeen asteroideen ibilbideei buruzko galderetan sakontzea ahalbidetuko du bideo honek.
Iranek AEBri erantzun dio, Qatarreko base estatubatuarren aurka misilak jaurtita
Qatarren daude AEBko kuartel nagusi aurreratua eta Al Udeidko aire-basea, 1996an eraikia.
Ruttek dio Espainiak BPGren % 3,5 gastu militarrera bideratu beharko duela
Gainera, NATOko idazkari nagusiak gaineratu du 2029an konpromisoak berrikusiko dituztela. Ruttek argi utzi du "NATOk ez duela akordio batetik kanpo geratzeko borondatezko klausularik", eta ez dituela "bigarren mailako eta alboko akordioak ezagutzen".
Pablo Ibarren defentsak dio agertu berri den lekuko batek badakiela nortzuek gauzatu zuten benetan hilketa hirukoitza
Ekainaren 26an 31 urte beteko dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita zigortu zuten. Hala ere, berak errugabea dela dio.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".