Euskaltelek Telecable erosi du 686 milioi euroren truke
Euskaltel telekomunikazioen enpresak akordioa lortu du Zegonarekin Telecable horren Asturiasko filiala 686 milioi euroren truke erosteko, horietatik 245 milioi enpresak datorren ekainaren 30an izango lukeen zorrari dagozkio, Euskaltelek Balore Merkatuen Batzorde Nazionalari jakinarazi dioenez.
Enpresak ohar baten bidez adierazi duenaren arabera, Telecableren balioa 686 milioitan adostu dute, guztira, horietatik 245 milioi 2017ko ekainaren 30an enpresak izango omen duen zorraren balioa litzateke (Euskaltelek birfinantzatuko du), 186,5 milioi euro ordainetan (esku diruan) eta 26,8 milioi akzio (akzio bakoitza 9,5 euro) emanda. Egitekoa den Akziodunen Batzordean onartuko dute kapitala handitzea eta, hortaz, akzio gehiago merkaturatzea. Horrezkero, Zegona Euskaltelen kapital sozialaren % 15en jabe izango da.
Alde batetik, esku diruan emango duten partea zor garbiaren gorabeherei eta kapital zirkulatzaileari lotuta egongo da. Bestetik, Euskaltelek onartuko dituen akzio berriekin ezingo da dibidendurik jaso, 2016 urteari dagokionean.
Era berean, Zegonak ordainetan kuota bat jasotzeko eskubidea izango du, 15 milioira mugatua, eta zenbait egoeratan azalera litezkeen aktiboen % 35 suposatuko luke. Edonola ere, Euskaltelek balio horren % 65 izango luke.
Gainera, Zegonak Euskaltelen akzioak eman ahal izango dizkie bere kideei, baina zenbait baldintzekin, eta ezin izango ditu saldu datozen 24 hilabeteotan.
Alberto Garcia Erauzkin Euskaltel Taldeko presidentea pozik azaldu da "operazio horren bidez, kablea egonkortu" egingo delako Estatuko iparraldean. "Bai Euskaltel, baita R eta Telecable ere, liderrak gara bakoitza bere merkatuan eta, iparreko hiru operadore handiek bat eginda, Estatuko liderrak izango gara. Konpainia bakoitzak bere baloreak, hau da, markak eta pertsonen gaitasuna, mantentzea da gure asmoa, horiek baitira arrakastaren gakoak".
Kapitala handitu eta gero, Kutxabankek akzioen % 21,3 izango ditu eta, Corporación Financiera Albak, % 9,35. Akziodun nagusiek, baita Zegonak ere, Euskaltel Taldeak haien lurraldean duen loturarekiko konpromisoa agertu dute.
Zure interesekoa izan daiteke
Bi lurrikara gogorrek Venezuela astindu dute eta, gutxienez, 188 hildako eta 1.500 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bat desagertuta dago Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.