Hamar hildako eta 48 zauritu Londresen izandako bi erasotan
Bi eraso izan dira bart Londresen eta, orotara, hamar pertsona hil eta 48 zauritu dira, horietako asko egoera kritikoan daude. Poliziak ustezko hiru erasotzaileak hil egin ditu, tiroz.
Erresuma Batuko hauteskundeetarako egun batzuk falta direnean eta Manchesterreko atentatua (22 lagun hil zituzten eta 64 zauritu ziren) izan zenetik bi aste igaro direnean jazo dira erasoak.
Gertakariak Londresko Zubian eta Borough Market merkatuan jazo dira, 22:00ak aldera. Furgoneta batekin hainbat oinezko harrapatu zituzten Londresko Zubian, tabernaz eta jatetxez beteta dagoen Borough Market azokara bidean.
Merkatura iristean, erasotzaileak furgonetatik jaitsi dira eta aurrez aurre topatu dituzten pertsonei labanaz eraso egin diete.
Segurtasun indarrek zabaldutako informazioaren arabera, erasotzaileak hiru gizonezko dira eta poliziek "berehala" egin diete aurre. Tiroz hil dituzte hirurak.
Poliziak zehaztu du hiru susmagarriek "lehergailu-txaleko faltsua" zeramatela soinean. BBCk ustezko erasotzaileen irudiak eman ditu, hilda agertzen dira eta horietako batek potoak daramatza gainean.
Labanaz egindako hirugarren eraso bat izan da Londres hegoaldean, Vauxhall auzoan. Baina Poliziak argitu du ez duela inolako loturarik Londreseko Zubian eta Borough Market azokan izan diren ekintza terroristekin.
Theresa May Erresuma Batuko lehen ministroak premiazko bilera egingo du gaur goizean, gertatutako guztia aztertzeko. Litekeena da hauteskunde-kanpaina bertan behera geratzea.
Erasoak "terroristatzat" jo ditu, ikerketa "abian" dagoela jakinarazi du eta bere esker ona adierazi die Poliziari eta larrialdietako zerbitzuei.
"Gertakari izugarri honek eragindako biktimekin gaude", azpimarratu du adierazpen instituzional batean.
Jeremy Corbyn Alderdi Laboristako buruzagiak gogor gaitzetsi ditu erasoak eta elkartasuna helarazi die biktimei eta haien senideei.
Sadiq Khan Londresko alkateak eraso "koldarra" salatu du eta horrelako "ekintza basatiek" inolako justifikaziorik ez dutela erantsi du.
Harun Khan Erresuma Batuko Musulmanen Kontseiluko idazkari nagusiak "munduko musulman guztien izenean" bere haserrea agertu du azkeneko atentatuaren harira.
Joan de maiatzaren 22an atentatua izan zen Manchesterren, Ariana Granderen kontzertuan. Abeslari estatubatuarrak Londresen aldeko mezu zabaldu du Twitter bidez.
Grande Manchesterren da egunotan, hiri horretako biktimen aldeko ikuskizun bat antolatu baitu biharko, beste artista batzuekin batera.
tzuekin batera.Albiste gehiago mundua
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.