Gutxienez 12 pertsona hil dira Londresen, 24 pisuko eraikin bat kiskalita
Sute handi batek Grenfell eraikina -24 solairukoa- irentsi du Londresko Lancaster West auzoan eta gutxienez 12 hildako eragin ditu, larrialdi zerbitzuek zabaldu dutenez. Halere, Scotland Yardek aurreratu du oraindik goiz dela eta jendea harrapatuta geratu denez, litekeena dela hildako gehiago izatea.
Londresko anbulantzia zerbitzuaren esanetan, momentura arte 68 zauritu eraman dituzte hiriburuko ospitaletara, horietatik 18 egoera kritikoan daude, eta 100 mediku baino gehiago ari dira zaurituak artatzen.
Tim Downey lekuko batek BBCri adierazi dionez, eraikina goitik behera erortzen ari zen, "ke beltza baino ez dago". Gainera, "nukleoa" ere kiskali dela esan du, errautsak estalita oihuka ari ziren zenbait pertsonak inguratzen zutela.
Dorrea 1974an eraiki eta iaz eraberritu zuten, lana burutu zuten arkitekto batzuek hango hedabideei esan dietenaren arabera.
Tony Cotton Londresko Suhiltzaileen Departamentuko ordezkariak ziurtatu duenez, suhiltzaile-taldeetako batzuk eraikinaren 21. solairura heldu dira (24 ditu), eta uste dute eraikinak tente jarraituko duela, jasandako kalteak gorabehera.
Hedabideen aurrean egindako agerraldi batean, Cottonek esan du eraikinaren egituraren segurtasuna aztertzen ari direla, eta, aurreikusi dutenez, eraikina ziurra da oraindik, suhiltzaileek lan egiteko, The Guardian egunkariaren arabera.
Sutea (00:15ean, GMT, piztu da) nola sortu den ikertzen ari da orain Polizia. Zenbait bizilagunen esanetan, alarmak ez ziren piztu eta leherketa batzuk entzun zituzten.
Scotland Yarden arabera, 250 suhiltzailetik gora lan egin dute sua itzaltzeko lanetan eta hainbat anbulantzia bidali dituzte gertaera izan den lekura. Bertaratutako polizia kopurua ere 100etik gorakoa da.
Eraikinaren inguruko kaleak hesitu dituzte, eta auzokideak atera, badaezpada.
Sadiq Khan Londreseko alkatea "jota" geratu da Kensingtoneko eraikinaren "irudi izugarriak" ikustean, Twitterren adierazi duenaren arabera. Goizean goiz, aurreratu du, Twitterren ere, "gertaera larria" izan da sutea.
Alkate laboristak, gainera, suhiltzaileen "erantzun bikaina" goraipatu du, "sei minutu baino gutxiagoan" heldu baitira sua itzaltzera eta, orain, agintariak barruan harrapatuta geratu diren "pertsonak bilatu eta erreskatatzeko" lanetan ari dira.
"Hurrengo egunetan galdera asko sortuko dira tragedia honen inguruan, eta erantzun guztiak izango ditugula esan nahi diet londrestarrei", erantsi du alkateak.
Zure interesekoa izan daiteke
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".