Suhiltzaileek lanean dihardute kiskalitako dorrean; 17 hildako daude jada
Londreseko Suhiltzaileek etenik gabe jarraitzen dute erreskate eta itzaltze lanetan Grenfell dorrean, atzo kiskali zen 24 solairuko eraikina. Momentura arte, 17 pertsona hil dira sutearen ondorioz, BBC telebista britainiarrak zabaldu duenez.
Dany Cotton suhiltzaileen ordezkariak onartu du ez dakiela zenbat pertsona desagertu diren eta berretsi egin du ez dutela beste inor bizirik topatzeko itxaropenik.
Orain arte, suhiltzaileek 65 pertsona erreskatatu dituzte bizirik eraikinetik, baina askok desagertuta jarraitzen dute, hori dela eta, hildako kopuruak gora egin liteke.
"Une honetan, eraikinaren barneko egituretako batzuk ez dira ziurrak, baina nukleoa bai. Nire suhiltzaileak eraikinaren azken solairura heldu dira bart, eta bilaketa arin egin dute ateetan", ziurtatu du Cottonek ITV telebista katean.
"Han goian egon garen arren, ezin izan dugu bilaketa sakona egin, eta eraikina ziurra izan arte ez dut nire suhiltzaileen segurtasuna arriskuan jarriko", gainera duenez.
Sutean (atzo, asteazkena,00:15ean GMT hasi zen) 17 pertsona hil ziren, eta 80 ospitalera eraman behar izan zituzten; horietatik, 18 egoera kritikoan daude, larrialdi zerbitzuen arabera.
"Tamalez, ez dugu inor gehiago bizirik ikusteko itxaropenik. (Sutearen) larritasuna eta hartutako beroa ikusita, miraria litzateke norbait bizirik balego", Cottonek Sky telebista katean adierazi duenez.
Cottonek, halaber, ezin izan du zehaztu Grenfell dorreko su garrengatik ez aurrera ez atzera geratu ziren pertsona kopurua. 24 solairu ditu eraikinak, eta 120 apartamentu, hori dela eta, 400-600 pertsona bizi direla kalkulatu dute.
Dorrean bizi ziren eta ihes egin zuten pertsonek harrera zentroetan igaro dute gaua; agintariak etxebizitzak bilatzen ari dira bitartean.
Hedabideen arabera, zenbait adituk 2015ean instalatu zuten erakinaren estalkia egokia ote zen kritikatu dute, polietilenoz eginda baitago, eta horrek su garrak arin hedatzea erraztu omen zuen.
"Ikerketa egokia"
Theresa May Erresuma Batuko lehen ministroak "ikerketa egokia" egingo dutela promestu du, Grenfell eraikina kiskali duen sutearen nondik norakoak argitzeko.
"Unea heltzen denean, lekua ziurra denean, sua zerk eragin zuen zehaztu ahal denean, orduan ikerketa egokia egingo da eta, irakasgairik balego, ekingo diogu", esan du Mayk telebista britainiarretan zabaldutako agerraldi batean.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.