Macronek gehiengo osoa eskuratu du Asanblea Nazionalean
Emmanuel Macron Frantziako presidentea babesten duten alderdiek —Errepublika Martxan! eta MoDem— gehiengo osoa eskuratu dute Asanblea Nazionalean, eta horrenbestez, buruzagi zentristak bere egitasmoak aurrera ateratzeko modua izango du. Datu ofizialen arabera, gutxienez 350 eserleku eskuratu dituzte Macronen babespeko alderdiek (ganberak 577 ditu).
Botoen % 92 zenbatuta, 350 aulki ziurtatuta dituzte Errepublika Martxan! eta MoDem alderdiek. Errepublikanoek 137 eserleku lortu dituzte. Atzerago geratu dira Alderdi Sozialista (46), Frantzia Intsumisoa (17) eta Alderdi Komunista (10). Fronte Nazionalak zortzi ordezkari izango ditu.
"Garaipen argia eman diozue Errepublikako presidenteari eta Gobernuari", esan du Edouard Philippe Frantziako lehen ministroak kazetariei egindako adierazpenetan. Philipperen hitzetan, "frantsesek itxaropena aukeratu dute, suminduraren aurrean".
Lehen ministroak nabarmendu duenez, duela urtebete inork gutxik espero zezakeen "berrikuntza politiko hau". Dena dela, abstentzio datu altua deitoratu du; "ez da albiste ona demokraziarentzat", erantsi du.
Abstentzioa, protagonista
Abstentzioak markak hautsi ditu igandean: % 56,59koa izan da. 2009ko Europarako hauteskundeetan izan zuten horren pareko abstentzioa (% 59,37koa izan zen orduan).
Alderdi politiko guztiek izan dute ahotan parte-hartze apala.
Jean-Luc Melenchon Frantzia Intsumisoa alderdiko buruzagiaren aburuz, "ofentsibatzat hartu behar da, herritarren greba orokorra izan da. Energia dario abstentzio datu honi". Hori horrela, Melechonen ustez, Macronen alderdiak "ez du nahikoa legitimotasunik" egin nahi duen lan erreforma egiteko.
Herritar batzuk botoa ematen, abstentzio altua protagonista izan zen egunean. EFE
Marine Le Pen Fronte Nazionaleko buruzagiak nabarmendu duenez, abstentzioak "oso hauskor" egiten du Macronen gehiengoa. Horren iritzian, "Alderdi Sozialistak triskantza jaso du. Errepublikanoek babesa galdu dute...".
Sozialisten deskalabrua
Jasotako porrotaren aurrean, dimisioa eman du Jean-Christophe Cambadelis Alderdi Sozialistako lehen idazkariak. "Porrota erabatekoa da. Ezkerrak moduak eta funtsa aldatu behar ditu. Aro berri bati ekin behar diogu, neoliberalismoari eta nazionalismoari aurre egiteko", esan du bere erabakia iragartzeko agerraldian.
Azkenik, Manuel Valls Frantziako lehen ministro ohiaren (ez zen Martxan! alderdiaren izenean aurkeztu, baina Macronen alderdiak ez zuen bere barrutian aurkaririk aurkeztu) eserlekua zalantzan egon liteke, garaipen estua lortu baitu. Vallsen esanetan, botoen % 50,3 eskuratu ditu. Nolanahi ere, Farida Amrani Frantzia Intsumisoko aurkariak helegitea aurkeztuko duela iragarri du. "Irregulartasunak daude", ohartarazi du.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.