Trumpek hedabideen aurka egin du berriro
Donald Trump Estatu Batuetako presidenteak "hedabide lohien" aurka egin du berriro igandean eta, ziurtatu duenez, bere helburuak lortuko ditu eta hedabideek "ezingo dute saihestu".
Argitaratutako txio batean, presidenteak aurreko larunbatean Armadako beteranoen omenezko ekitaldi baten egindako agerraldia publikatu du. Hitzaldi horretan, "fake media isilarazten saiatu" direla adierazi zuen. "Ez diegu utziko, jendeak egia badakielako".
"Fake media gu Etxe Zurira heltzea oztopatzen saiatu ziren, baina ni naiz presidentea, eta haiek ez. Guk irabazi genuen, haiek galdu zuten. Prentsak bere burua suntsitu du urrunegi joan delako", esan du Twitterren.
Hala, gaineratu zuenez, "burutsuak eta azkarrak izan beharrean, aizkorari heldu zioten, eta jendea hasieratik ohartu da". "Hedabide lohiek ez dute inoiz lortuko guk gure helburuak ez eskuratzea, herri estatubatuar handienaren izenean. Hori ez da inoiz gertatuko", azpimarratu du.
"Haien agenda ez da zuen agenda. Ez diot inoiz utziko zuen alde borrokatzeari. Egin beharrekoa betetzen ari naiz merkataritzan, ekonomian, Auzitegi Gorenean, Bigarren Emendakinean, gure Armadan, gure beteranoen alde, eta gure mugetan, horietan markak hautsi ditugu geldialdietan", erantsi duenez.
Txioarekin batera, Trumpek beste mezu bat argitaratu du. Horretan, gif bat zabaldu du, manipulatuta, eta CNNren aurkako erasoa irudikatu du. Horrezkero, ika-mika eta kritika oldea eragin du sare sozialetan.
"Egun tristea da Estatu Batuetako presidenteak kazetarien aurkako indarkeria sustatzen duenean", esan du telebista kateak ohar baten bidez. "Atzerrirako bidaia, Vladimir Putinekin izango duen lehen bilera, harremanak Ipar Korearekin, eta osasun publikoaren proiektua prestatu beharrean, bere karguaren mailan ez dagoen jarrera du", azpimarratu du CNNk.
Zure interesekoa izan daiteke
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".
Blokeoak eragindako krisi energetikoa muturrera eramaten ari da Kuba
NBEk ohartarazi du gaixotasunak hedatzeko arriskua dagoela, eta 100.000 pazientek baino gehiagok ebakuntzak atzeratu dituztela energia eta medikamentu faltagatik.