Harveyk hainbat hiri txikituta utzi ostean uholde handiak espero dira
Azken hamabi urteotan Amerikako Estatu Batuetara iritsi den urakan indartsuenak Harvey du izena, eta gutxienez bost hildako uzteaz gain, Texas kostaldeko hainbat hiri txikitu ditu. Azken orduotan indarra galdu duen arren, eurite eta uholde handiak espero dituzte oraindik. Aurreikuspenen arabera, baliteke uraren mailak 1,3 metrorainoko altuera hartzea.
Gainera, Corpus Christi hirian (Texas kostaldean) metro erdirainoko uholdeak utzi ditu jada, eta Houstonen eurite gehien pilatu diren zenbait gunetan uraren mailak 40 zentimetroko altuera hartu du. “Gure kezka nagusia oraindik espero ditugun uholde dramatikoak dira”, ziurtatu du Greg Abbott Texas estatuko gobernadoreak.
Datozen orduotan uholde handiak espero dira Texas estatuan, bereziki AEBko laugarren hiri handienean, Houstonen. Bertan, bi milioi pertsona inguru bizi dira gaur egun, eta hiri horretako agintariek alerta ezarri dute ibaiak gainezka egiteko dagoen arrisku potentzial handiaren aurrean.
Mehatxu horren aurrean, Houston hiriko hiru espetxek beren 4.500 preso tokiz aldatu behar izan dituzte, eta beste espetxe batzuetara eraman dituzte autobusez.
Urakanak 22:00ak aldera jo zuen lurra (larunbateko 03:00etan, gurean) Texas hegoaldean, bosteko eskalan lauko indarrarekin, Corpus Christitik 45 bat kilometrora dagoen Rockport hirian (ipar-ekialdean), eta zenbait tokitan 215 kilometro ordurainoko abiadura hartu duten haize-boladak eragin izan ditu.
9.000 biztanle dituen hiria da Rockport, Texas kostaldean kokatuta dagoena. Urakanak kalte material handiak utzi ditu, eta hainbat etxebizitza txikituta uzteaz gain, igande honetan ibai itxura hartu dute kaleak eta lurrera eroritako zuhaitzak eta trafiko seinaleak ikusi dituzte bertako bizilagunek.
AEBko Urakanen Zentro Nazionalak (CNH) jakinarazi duenez, Harvey urakana ekaitz tropikala izatera igaro da. Azken orduotan, 110 kilometro orduko haize-boladak eragin ditu, baina larunbatean 215 kilometro ordurainoko abiadura hartu zuten AEBko zenbait tokitan.
Texas kostaldean bizi diren milaka pertsonek haien etxeak utzi dituzte azken egunotan, eta agintarien aholkuei jarraiki barnealdera jo dute.
Zure interesekoa izan daiteke
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.