'Erantzun militar handia' agindu du AEBk, Piongiangek mehatxatzen badu
James Mattis Pentagonoko buruak adierazi duenaren arabera, Ameriketako Estatu Batuek "erantzun militar handia" emango dute, baldin eta Ipar Koreak AEBko edozein lurralde, Guam uhartea barne, zein bere aliatuak mehatxatzen baditu.
Mattisek agerraldi laburra egin du hedabideen aurrean Etxe Zurian, Donald Trump AEBko presidentearekin bilduta egon ostean, Ipar Korearen azken entsegu nuklearra aztertzeko asmoz.
Pentagonoko buruaren esanetan, erantzun militar hori "eraginkorra" eta "erabatekoa" izango da, eta gaineratu du Washingtonek ez duela nahi Ipar Korea "suntsitu", nahiz eta hori egiteko "aukera handiak" dituen.
Merkataritza harremanak etetea
Ordu batzuk lehenago Donald Trumpek berak esan duenez, Ipar Korearekin negozioak egiten dituzten edozein herrialderekin "merkataritza harreman oro" etetea ari da aztertzen AEB, baina baita beste neurri batzuk ere.
Hala eman du jakitera Trumpek Twitter bidez, Piongiangeko erregimenak proba nuklear berria, orain arte egindako seietatik ahaltsuena, egin ondoren, saio nuklear hori gogor gaitzetsi ostean.
Gerora, Etxe Zuritik hurbil dagoen eliza batean meza entzutetik atera ostean, Ipar Koreari erasotzea pentsatzen ari ote diren galdetu diote kazetariek, eta honako hau erantzun du: "Ikusiko dugu".
"Ikusiko dugu" erantzun die kazetariei Trumpek Ipar Koreari erasotzea pentsatzen ari ote diren galdetu diotenean. Argazkia: EFE
Abuztuaren hasieran, Trumpek "suz eta amorruz" erantzuteko mehatxua egin zion Ipar Koreari Piongiangek misil batean sar daitekeen buru nuklear bat egin duela jakin ostean.
Segurtasun Kontseiluaren bilera
Nazio Batuen Erakundeko Segurtasun Kontseilua, bere aldetik, astelehen honetan bertan bilduko da Ipar Korearen azken saio nuklearra aztertzeko.
AEBk, Japoniak, Frantziak, Erresuma Batuak eta Hego Koreak eskatuta egingo da bilera, AEBk NBEn duen ordezkaritzak zabaldu duenez.
Zure interesekoa izan daiteke
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".