Irmak Karibe astindu, eta kalte handiak eta 12 hildakotik gora utzi ditu
Iragarrita zegoen, eta esperotakoa bete da. Irma urakanaren begia (5. mailakoa) Barbuda, San Martin, San Bartolome (Antilla Txikiak) eta Puerto Rico gainetik igaro da jada, eta 12 hildako eta kalte material handiak eragin ditu jada.
Barbudan, gutxienez pertsona bat hil da, eta uharteko etxebizitzen % 95ean utzi ditu kalteak, Gaston Brown Antigua eta Barbudako lehen ministroak asteazken gauean adierazi duenez. Gainera, biktimen artean ume bat dagoela baieztatu du.
Uhartea airetik aztertu ostean ABS telebista-kateak egindako elkarrizketa batean adierazi du ikusitakoa "etsigarria" eta "erabat lazgarria" izan dela. "Lehen azterketa batean, esan daiteke Barbudako suntsiketak ez duela aurrekaririk", gaineratu du.
"Uhartea urpean dago, eta hori berez mehatxu handia da, eltxoek gaixotasun ugari zabal ditzaketelako", azaldu du. Era berean, erantsi duenez, konponketaren kostua "ez da 150 milioi dolar (126 milioi euro) baino gutxiagokoa izango".
Irma urakana, espaziotik ikusita, Karibera iristen. Argazkia: EFE
Brownen esanetan, Irmak aireportuan ere eragin ditu kalteak, eta, ondorioz, hegazkinek ezin dute bertan lur hartu. "Barbudara heltzea erronka da", onartu du.
Bestalde, gutxienez zortzi pertsona hil dira San Martin uhartean, Antilla Txikietan, Irma goizaldean igaro ondoren, Eric Maire Guadalupeko prefektuak jakinarazi duenez.
Funtzionario horren hitzetan, behin-behineko balantzea da, San Martin eta San Bartolomerekin harremanak izateko zailtasunak baitituzte. Barbudarekin batera, azken bi horiek izan dira oraingoz zikloiaren kalte handiena jasan dutenak.
Irmak sorrarazten dituen haizeteek eta urak hildako bat eta hainbat kalte material utzi dituzte Puerto Ricon. Gainera, milioi bat pertsona argindarrik gabe geratu dira, eta 4.000k babeslekuetan sartu behar izan dute.
San Bartolomen, herritar bat hil da eta urak suhiltzaileen egoitza ere harrapatu du.
Kariben, Birjina uharteetan (Saint Thomasen eta Saint Johnen) ere izan dira kalteak, Alejandro De La Campa Larrialdiak Kudeatzeko AEBko Agentzia Federalaren Karibeko ordezkariaren arabera.
Floridan, asteburuan
Irma larunbatean edo igandean helduko da Floridara, eta azkenaldian AEBko lurraldea jo duen bigarren urakan handia izango da. NHCren arabera, Irma 4. mailako indarrarekin helduko da Floridara.
Halere, Rick Scott Floridako gobernadoreak jakinarazi duenez, zenbait gune ebakuatu dituzte: batzuk nahitaez hustu dituzte eta beste batzuetan bertan geratzeko aukera eman diete herritarrei.
Miami, kostaldea eta Monroe konderria ebakuatu dituzte, herritar batzuk gogoz kontra irtenarazita. Broward eta Collier konderrietan, aldiz, modu boluntarioan.
Zure interesekoa izan daiteke
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.
Aita santuak omenaldia egin die hildako migratzaileei Lampedusan, eta Frantziskoren ondarea omentzea eskertu du
Leon XIV .a aita santuak larunbat honetan Italiako Lampedusa uhartera egindako bisitan esan duenez, Mediterraneo itsasoan izandako milaka hildakoak "hartutako erabakien" eta "ahaztutako erabakien" biktima dira, eta migrazio dramaren aurrean axolagabekeria salatu zuen.
Ehunka mila pertsona parte hartzen ari dira Khameneiren hileta publikoan
Asteburu osoan milioika pertsona espero dira, eta astelehenean Irango hiriburua zeharkatuko du segizioak; asteartean Qom hiri santura joango da, eta asteazkenean Iraken jarraituko du, ostegunean lurperatu aurretik.
AEBk inoiz izan duen hedapen handiena duela goraipatu du Trumpek Independentziaren Egunean
AEBren nagusitasun militarra aldarrikatu du Trumpek, baita XX. mendeko gatazka handietan izan duen paper historikoa ere: "Armadarik indartsuena eta boteretsuena sortu dugu".
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.