Georgiarako bidea hartu du Irmak, ekaitz tropikal bihurtuta
Karibe aldea eta Florida (Ameriketako Estatu Batuak) gogor astindu ostean, Irma urakanak indarra galdu du azken orduetan, eta Georgiara bidean da, ekaitz tropikal bihurtuta. Atzean geratu da Floridako Kaioetan utzitako hondamendia.
AEBko Urakanen Zentro Nazionalak jakinarazi duenez, herrialdearen hego-ekialdean 02:00ak zirenean (06:00 GMT) Saffir-Simpson eskalan lehen kategoriara (bost dira guztira) jaitsi da. Une horretan, Tampa hiritik (Florida) 40 bat kilometrora zegoen.
Zentroak egindako iragarpenaren arabera, orduko 85 miliako (135 km/h) haize-boladak izango dira. Haizeteez gain, uholdeak dira kezka iturri, ekaitzak itsaski ziklonikoa eragin baitezake.
Hiru pertsona hil dira Floridan. Halaber, estatu horretako agintariek ohartarazi dutenez, Kaioetan "krisi egoera" utzi du urakanak. Hain justu, Donald Trump AEBko presidenteak hondamendigune izendatu du Estatua, Rick Scott gobernadoreak eskatu ostean.
Izendapenari esker, Estatuko funtsak erabili ahalko dira kaltedunei laguntzeko eta azpiegiturak berreraikitzeko.
6,5 milioi pertsona (Estatuko bizilagunen herena) etxetik atera dituzte, eta 3,5 milioi (% 34,74) argindar barik daude.
Rick Scott Floridako gobernadoreak laguntza eskatu dio AEBko presidenteari. "Hil edo biziko egoera da. Badakit jendeak lagundu nahi duela, baina orain egin genezakeen gauzarik onena errezatzea da", esan dio Scottek ABC telebista kateari.
Irmak Miamin utzitako irudi ikusgarriak (@CNN):
Zure interesekoa izan daiteke
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.
Suak erabat suntsitu du Japoniako Reikado tenplu budista historikoa
Kukai monje budistari eskainitako tenplua 806. urtean eraiki zen Misen mendian, Miyajima uhartean, eta ordutik piztuta egon da bertan "betiereko sugarra" deitua, 1.200 urtez etengabe piztuta egon den sugar sakratua. Su horrekin piztu zen Hiroshimako Bakearen Parkeko sugarra 1964an, munduko bonba nuklear guztiak desagertu arte piztuta egongo dena. Ez da inor zauritu, baina ondare-galera ordezkaezina da.
AEBren eta Kubaren arteko tentsioa areagotu egin da Raul Castroren auzipetzearekin: Washingtonek hegazkin-ontzi bat jarri du Karibean
Auzipetzearekin batera esku-hartze militar baten mamua berpiztu da uhartean; izan ere, Nicolas Maduro ere auzipetu egin zuten Venezuelako operazio militarra abiatu aurretik.
Israelek Flotillako ekintzaile solidarioak umiliatu egin ditu
Itamar Ben Gvir Israelgo Segurtasun Nazionaleko ministro ultraeskuindarrak argitaratutako bideo batek protesten erauntsia eragin du, ministroak atxilotuei emandako tratua dela eta.
AEBk Raul Castro Kubako presidente ohia inputatu du, 1996an bi hegazkin eraisteagatik
Duela berrogei urte, Kubako ehiza-hegazkinek Floridako itsasartean Anaia erbesteratuen Erreskaterako erakundeko bi hegazkin txiki eraitsi zituzten, eta lau pilotu hil ziren.
Hilabeteak beharko dira ebolaren azken agerraldiaren aurkako txertoa lortzeko, baina arrisku globala "txikia" da, MOEren arabera
Hala ere, nazio eta eskualde mailan birusa zabaltzeko arriskua altua dela azpimarratu du Munduko Osasun Erakundeak.
Txinak aldarrikatu du Errusiarekiko harremanak "inoizko mailarik altuenean" daudela
Xi Jinping Txinako presidenteak ohore guztiekin hartu du Vladimir Putin Errusiako presidentea. Donald Trumpek Txinara egindako bisitaren ostean, bi potentziek harremanak estutu dituzte eta hogei bat akordio eta memorandun sinatu dituzte. Horrez gain, “oihanaren legea” berriz nagusitzeko arriskuaz ohartarazi dute
Trumpen gerra botereak mugatzeko eta Irandik tropak erretiratzeko ebazpen bat onartu du AEBko Senatuak
Zazpi saiakeraren ostean, AEBko Senatuak ebazpena onartu du: lau errepublikanok lerroak hautsi eta botoa aldatu dute, eta hiruk bozkatzeari uko egin diote. Hala ere, eta Ordezkarien Ganberako bozketan aurrera egingo balu ere, Trumpek betoa jartzea aurreikusten da.