22 pertsona zauritu dira Londresko metroan izandako leherketan
Gutxienez 22 pertsona zauritu dira gaur Londresko metroan, District Line linean, metro linea nagusietako batean, izandako leherketan. Scotland Yarden arabera, atentatu terrorista izan da, eta etxean egindako bonba baten bidez egin dute.
Eztanda bidaiari gehien izan ohi den orduan (08:20an) gertatu da, Parsons Green geltokian, Wimbledon auzotik gertu, hiriburuaren hego-mendebaldean.
Erasoaren ondorioz 22 bidaiari zauritu dira; gehienek erredurak dituzte. Beste batzuek kolpeak jasan dituzte, leherketaren ostean, geltokitik ihes egiterakoa.
Distric Line linea itxi egin dute, Wimbledon eta Earls Court geltokien artean. Bitartean, Polizia segurtasun kamerek grabatu dituzten irudiak aztertzen ari da.
Komunikabide batzuek zabaldu dituzten argazkien arabera, etxean egindako lehergailua ontzi zuri batean zegoen gordetan, poltsa baten barruan. Antza, detonagailuak huts egin du eta eztanda ez da erabatekoa izan. Beraz, agintariek uste dute erasotzaileek kalte handiagoa eragiteko asmoa zutela.
(Erretako edukiontziaren argazkia: @RRigs, APTN Mediaporten bitartez)
Premiazko bilera
Theresa May lehen ministro britainiarrak jakinarazi du eraso terroristengatiko alerta-mailari eutsi egingo diotela, ez dutela igoko. Bosteko sailkapenean, bigarren mailan daude, maila "larrian", atentatuak izateko aukera asko daudela esan nahi du horrek.
Mayk larrialdi bilera egin du arratsalde honetan. Han izan dira Gobernuko ministroak, segurtasun indarretako buruzagiak, zerbitzu sekretuetako ordezkariak eta Sadiq Khan Londreseko alkatea.
Mayk esan du erasoaren helburua "kalte handia" eragitea zela eta herritarrei "erne" egoteko eskatu die, garraio publikoa erabiltzerakoan.
"Polizia eta segurtasun indarrak eraso koldar hau argitzeko eta erasotzaileak identifikatzeko lanean ari dira", erantsi du.
Sadiq Khan Londresko alkateak erasoa gaitzetsi du. Horren esanetan, "terrorismoak ez ditu herritarrak beldurtuko".
Poliziak laguntza eskatu du eta eztandaren lekukoei bideoak eta argazkiak bidaltzeko galdegin die.
Lekukoen testigantzak
Lekukoen arabera, izua zabaldu da Parsons Green geltokian, eta pertsona ugari ihes egiten saiatu dira, eskaileretan gora.
"Izua nagusitu da leherketa bat zirudiena gertatu eta berehala", adierazi du Riz Lateef geltokian zegoen bidaiarietako batek.
Sham izeneko beste lekuko batek nabarmendu duenez, aurpegia odoleztatuta zuen gizon bat ikusi du, eta jendea negarrez. "Errenka ikusi dut besteren bat, eta gizaseme bat aurpegia odolez beteta zuela. Inoiz ez dut halakorik ikusi", erantsi du.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.