Autonomia handiagoa eskatu dute milaka lagunek Korsikan
Milaka lagun manifestatu dira larunbat honetan Ajaccion, Korsikako hiriburuan, autonomia handiagoren eske, agintari nazionalistek deitutako deialdiarekin bat eginda. 'Demokrazia eta errespetua korsikar herriarentzat' lelopean egin dute martxa, eta Korsikako banderak eraman dituzte ibilbideak zehar.
Gilles Simeoni Korsikako eskualde-presidenteak deitu zuen manifestazioa joan den urtarrilaren 23ean, Frantziako Gobernuaren aurka protesta egiteko asmoz, "Korsikako auziaren ikuspuntu politikoa" aintzat ez hartzea leporatzen baitiote. Hiru egun barru, hain zuzen, iazko maiatzean Frantziako Presidentetzara heldu zenetik, lehenengo bisita ofiziala egingo du Korsikan Emmanuel Macron Frantziako presidenteak.
Antolatzaileek 10.000 lagun bildu nahi izan zituzten, zenbaki horrek deialdiaren arrakasta iragarriko zuelakoan. Korsikako oposizioaren aburuz, ostera, martxaren deialdia presazkoa izan da, eta uste dute onena litzatekeela behintzat Macronen bisitak eragindako emaitzak ikusi arte itxarotea.
325.000 biztanle ditu Korsikako uharteak, eta Frantziako batez besteko per capita errentari erreparatuta, Korsikarena txikiagoa da. Gainera, egiturazko garapen-arazoak ditu, eta nazionalistek uste dute autonomia handiago batek arazo horiek konponduko lituzkeela.
Nazionalisteekiko babesa handiagoa da joan den abenduaz geroztik, eskualde-hauteskundeetan Simeoni eta Talamoni buru ziren Pè a Corsica (Korsikaren Alde) koalizioak aise irabazi ostean.
stean.Albiste gehiago mundua
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.
NBEko Batzar Nagusiari begira, AEBk agintari palestinarrei emandako bisak baliogabetuko ditu
AEBko Gobernuak iragarri du Palestinak Nazio Batuen aurrean duen misio iraunkorreko kideak salbuetsiko dituela.
Frantziako sindikatuek greba deitu dute irailaren 18an Bayrouren aurrekontuen aurka
Zentral handiek "gauzak aldatzeko eta aurrerapausoak emateko mobilizazio masiboak" eskatu dizkiete langileei. Bayrouk konfiantza mozio bati aurre egin beharko dio irailaren 8an; oposizioak (gehiengo absolutua) aurka bozkatuko duela aurreratu du.
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.