Hautagai ebanjeliko kontserbadoreak irabazi du Costa Ricako lehen itzulia
Presidentea aukeratzeko Costa Rican igande honetan egin diren hauteskundeen lehen itzulian, Fabricio Alvarado ebanjeliko kontserbadorea nagusitu da botoen % 24,78 eskuratuta, botoen % 86,57 zenbatu direnean. Bigarren postuan gelditu da agintean den PAC alderdiaren Carlos Alvarado hautagaia, botoen % 21,74rekin.
Beraz, apirilaren 1ean egingo den bigarren itzulian, Carlos Alvarado ofizialista eta Fabricio Alvarado hautagai ebanjeliko kontserbadorea izango dira aurrez aurre.
Lehiatik kanpo gelditu da, berriz, Antonio Alvarez PLN alderdi sozialdemokratako hautagaia, botoen % 18,67rekin. Porrota onartu ostean, bigarren itzulira igaro diren bi hautagaiak zoriondu ditu Alvarezek.
Hauteskunde kanpainan, giza eskubideen alorrean jarrera ezberdina izan dute bi hautagaiek. Carlos Alvaradok homosexualen arteko ezkontzak eta LGTB kolektiboaren eskubideak defendatu ditu; Fabricio Alvarado, ostera, familia tradizionalaren aldekoa da.
Behin betiko emaitzak ez dituzte datozen egunetara arte jakinaraziko. Guztira, 3,3 milioi herritar zeuden deituta eta parte-hartzea % 66,20koa izan da.
Zure interesekoa izan daiteke
Europar Batasunak Itsaso Gorriaren misioa zabaltzea planteatu du, Ormuz babesteko, eta Libanon beste bat zabaldu
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko itsas garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.