17 hildako eta hainbat zauritu Floridako institutu batean izan den tiroketan
Gutxienez 17 pertsona hil eta beste 15 zauritu dira Parklandeko (Florida, AEB) institutu batean izan den tiroketan, Scott Israel Broward konderriko sheriffa baieztatu duenez.
"Tamalez 17 pertsona hil direla esan beharra daukat", esan du Israelek hedabideen aurrean egindako adierazpenetan. Atentatuaren egilea Nikolas Cruz litzateke, 19 urteko gaztea eta bere burua aurkeztu du jada Poliziaren aurrean.
Marjowy Stoneman Douglas institutuan klaseak bukatu berri zeuden tiroketa izan denean. Ikasketa zentroan Fort Lauderdaletik ipar ekialdera dago, Miamitik 80 bat kilometrora.
17 hildakoetatik 12 institutuaren barruan bertan hil ditu tiratzaileak, beste bi kanpoaldean, bat ondoko kale batean eta azken biak ospitalean hil dira, FoxNews telebista kateak jaso duenaren arabera. Gainera, aipatutako iturriaren esanetan, 15 pertsona ospitalera eraman dituzte zauriekin.
Israelek baieztatu duenez, tiroketaren ustezko egileak AR-15 eraso-fusil batekin egin du sarraskia. Kamiseta marroia zeramatzan eta aurretik zentrotik kaleratu zuten diziplina-arazoengatik.
Bill Nelson Florida estatuko senatari demokrataren hitzetan "zorigaitzeko eguna da". "Dagoeneko otoi egin dut elkartasuna adierazteko baina une latzak dira (…) Nahikoa dela esaten dugu, baina berriz gertatzen da", baieztatu du.
Bestalde, Marco Rubio senatari errepublikanoak Twitterren adierazi duenez, "gaur egun ikaragarria da, errezoak ez dira betetzen". Robert Runcie Polizia agenteak ere baieztatu du "hainbat hildako" badaudela eta "egoera lazgarria" dela azpimarratu du. Horrez gain, azaldu du gazteak bakarrik egin omen duela atentatua, zantzuen arabera.
Poliziak atentatua izan den lekuaren inguruetan. Argazkia: EFE
Trump: "Osasun mentalaren arazo zailari aurre egingo diogu"
Bestalde, "osasun mentalaren arazo zailari aurre egitea " agindu du gaur Donald Trump Ameriketako Estatu Batuetako (AEB) presidenteak. Gainera, eskoletako segurtasuna "lehentasun nagusia" izango dela azpimarratu du agintariak.
Bere hitzaldian, ostera, su-armak bereganatzeko orduan kontrola sendotzeko edo legedia aldatzeko neurri posiblerik ez du behin ere aipatu Trumpek.
"Doluan dagoen herri bati" zuzendu zaio Trump: "Guztiak baturik gaude, familia bakar baten antzera". "Gorrotoari maitasunarekin erantzun behar diogu. Eta ankerkeriari, adeitasunarekin", nabarmendu du buruzagiak.
Julen Arriaga, 14 urteko ikaslea, Floridan izandako tiroketaren lekuko
CONTENIDO NO ENCONTRADO
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.