Ivan Duque eta Gustavo Petro lehiatuko dira Kolonbiako presidente izateko
Ivan Duque eta Gustavo Petro izan dira eskuineko eta ezkerreko, hurrenez hurren, alderdien irabazle garbiak, maiatzaren 17an presidentetza-hauteskundeetara aurkezteko egin diren primarioetan.
Gainera, Zentro Demokratikoa Alderdia, Alvaro Uribe presidente ohiak gidatuta, Kolonbiako Senatuko lehen indarra izango da, botoen % 16 jasota. Halere, Ordezkarien Ganberan bigarren postuan izango da, Alderdi Liberal Kolonbiarra alderdiak gaindituta, baina eskuina izan da nagusi bozketan.
Zehatz-mehatz, Duquek botoen % 67,72 jaso du, eskuindarren arteko bozketan, Marta Lucia Ramirezek % 25,81, eta Alejandro Ordoñezek % 6,48. Ezkerrean, Petrok botoen % 84,92 bildu du, Carlos Caicedo (% 15,07) erraz irabazita.
Senaturako bozketan, botoen % 95 baino gehiago zenbatuta dagoenean, zatiketa handia izan da. Lehenik eta behin, Zentro Demokratikoa Alderdia bozkatuena izan da, botoen % 16,54 jasota, Aldaketa Erradikala Alderdiaren (% 13,39) aurretik. Ondoren, Alderdi Kontserbadore Kolonbiarra (% 12,48) eta Alderdi Liberal Kolonbiarra (% 12,4) izan dira hirugarren eta laugarren, hurrenez hurren.
Ivan Duque, Uribek sortutako alderdiaren hautagaia. Argazkia: EFE
Ordezkarien Ganberan, Alderdi Liberal Kolonbiarra izan da nagusi, botoen % 16,57 jasota; Zentro Demokratiko Alderdia, ondoren, % 16,1; Aldaketa Erradikala Alderdia (% 14,33) eta Uaren Alderdia (% 12,23), azkenik.
Igandean egindako Kolonbiako Ordezkarien Ganberaren eta Senatuaren hauteskunde legegile eta primarioak historikoak izan dira, historian lehen aldiz Kolonbiako Indar Armatu Iraultzaileak (FARC) lehen gerrillaren alderdia aurkeztu baitira.
Herriaren Indar Iraultzaile Alternatiboa (FARC) gerrillaren oinordekoak % 0,34 jaso du Senatuan eta 0,22 Ordezkarien Ganberan. Halere, Bake Akordioari esker, 10 eserleku ditu bermatuta.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.