Korea arma nuklearrik gabe uztera konprometitu da Kim Xiren aurrean, Beijingen
Kim Jong-un Ipar Koreako buruzagia Koreako penintsula arma nuklearrik gabe uztera konprometitu da, Xi Jinping Txinako presidentearekin Beijingen egin duen bileran, hain zuzen, 2011an kargua hartu zuenetik herrialde horretara egin duen lehen bisitan.
Kimek ziurtatu du egoerak hobera egin duela Ipar Koreak tentsioa murrizteko aurrerapausoa eman zuenetik, eta baieztatu du Koreen arteko harremanak aldatzeko asmoa duela, adiskidetzea eta kooperazioa oinarri hartuta.
"Gure erabakia penintsula arma nuklearrez uztera konprometitzea da, Kim Il Sung eta Kim Jong Il buruzagi ohiek nahi zuten moduan", erantsi du Kimek. Era berean, berretsi du prest dagoela Estatu Batuekin eta Hego Korearekin hitz egiteko, baita bi herrialdeetako buruzagiekin biltzeko ere.
"Koreako penintsula arma nuklearrik gabe uzteko afera konpon liteke, Estatu Batuek eta Hego Koreak gure borondate onari erantzun eta bake eta egonkortasun giroa sortzen laguntzen badute, bakea lortzeko beharrezko neurriak hartzen diren bitartean", Kimen esanetan.
Herriaren Areto Handian izan duen bileran, Xik ongietorria eman dio Kimi, Txinako Alderdi Komunistaren Batzorde Nagusiaren izenean, eta 19. Biltzar Nazionalean alderdiko buru berrautatu ondoren bidalitako zorion mezua eskertu dio.
Xinhua albiste agentziak jaso duenez, Kimen bisita eskualde horretako herrialdeentzat berebiziko garrantzia duen unean egin dute, eta presidente txinatarrentzat eta horren alderdiarentzat Txina eta Ipar Korearen arteko harremanek duten garrantziaren erakusle da.
Presidente txinatarraren hitzetan, "Ipar Korearekin lan egiteko" eta "garapen iraunkorra, osasuntsua eta egonkorra" bultzatzeko prest daude, "bi herrialdeetako herrien mesedetan, eta eskualdeko bakea, egonkortasuna eta garapenarekin" laguntzeko.
Kimek, bestalde, azpimarratu du garrantzitsua dela Xi herrialdeko buru berrautatu izana, eta berretsi duenez, Txinara joan eta presidentea aurrez aurre zoriontzea zen bere egitekoa, tradizioari jarraituta.
Txina Ipar Koreako kide nagusia izan da beti. Halere, Kimek Moon Jae In Hego Koreako presidentearekin eta Donald Trump presidente estatubatuarrarekin biltzeko asmoa dauka, apirilean eta maiatzean, hurrenez hurren.
Albiste gehiago mundua
Bayrou Frantziako lehen ministroak konfiantza mozioa galdu eta dimisioa eman beharko du
Guztira, 364 diputatuk egin dute konfiantzaren aurka, eta 194k babesa eman diote. Ondorioz, Bayrouk dimisioa aurkeztu behar dio Emmanuel Macron presidenteari.
Europa, Israelen aurkako kritikoen eta Gazako politikarekin permisibo direnen artean banatuta
Hainbat herrialdek argi eta garbi kritikatu dute Gazako genozidioa, eta estatu palestinarra sortzearen alde agertu dira. Beste batzuek Israelgo Gobernuaren politika defendatzen dute eta aliantzen alde egiten dute.
Israelek beste etxebizitza dorre bat bonbardatu du Gaza Hirian
Israelgo Armadak beste bonbardaketa bat egin du Gaza Hiriko etxebizitza dorre baten aurka, ostiralean eraikin mota horien aurkako eraso kanpaina hasi ostean, Hamas Erresistentzia Islamikoaren Mugimenduak "helburu terroristekin" erabiltzen dituela argudiatuta.
Mileik kolpe gogorra jaso du hauteskundeetan, eta Axel Kicillofek gidatutako peronismoa suspertu egin da
"Honek agerian uzten du Argentinan badagoela beste bide bat, eta gaur hasiko gara bidea egiten", azpimarratu du hautagai peronistak.
Sei pertsona hil dituzte autobus baten aurkako erasoan, Jerusalemen
Israelgo Poliziak adierazi duenez, "neutralizatu" egin dituzte inplikatutako bi "terroristak", erasoaren ostean. Hamasek eta Jihad Islamikoak txalotu egin dute "erresistentziako bi borrokalarik" egindako erasoa.
:eitb-banner?$eitb-banner$&fmt=webp-alpha&qlt=80)
Carlo Acutis mende honetako lehenengo santu izendatu du aita santuak
Leuzemiak jota hil zen 2006an, 15 urterekin. Acutis apirilaren 27an kanonizatu behar zuten, baina zeremonia bertan behera geratu zen Frantzisko aita santua hil zelako.
83 pertsona hil ditu Israelek Gazan erasoetan, eta beste bost, gosez
Israelgo Atzerri ministro Gideon Saarrek esan du gerra amaituko litzatekeela Hamasek bahituak entregatu eta armak utziko balitu. Hamasek esan du bahituak askatzeko prest dagoela, Israelek bere indar guztiak Zerrendatik erretiratzen baditu.
40. Open Sestao Basque Country xake txapelketan ez da parte-hartzaileen banderarik ikusiko, jokalari israeldarrak daudelako
Antolatzaileek "Israelek Gazan egindako genozidioa" gaitzetsi dute, eta Palestinako bandera jarriko dute Las Llanasen.
Lisboako funikularraren kablea eten egin zela frogatu dute lehen ikerketek
Kable hori funikularreko beste kabina bati lotuta zegoen, eta kontrapisu gisa erabiltzen zen.
Japoniako lehen ministroak dimisioa eman du, PLD alderdiak bere etorkizuna erabakitzeko hitzordua heldu aurretik
Alderdiak primarioen ezohiko aurrerapen baten inguruan eztabaidatu bezperan eman du dimisioa. Izan ere, hauteskundeetan emaitza kaxkarrak lortu ostean, pentsatzekoa da alderdiaren zein Gobernuaren buruzagitzatik kenduko zutela