Carlos Alvaradok irabazi ditu Costa Ricako presidentetza hauteskundeak
Carlos Alvarado Quesada Ekintza Nazionala Alderdiko hautagaiak irabazi ditu igandean Costa Rican egindako presidentetza hauteskundeak, Fabricio Alvarado Muñoz Berrezarkuntzaren Alderdi Nazionalaren hautagaiaren aurrean, botoen % 90 baino gehiago zenbatuta daudenean.
Hala, Alvarado Quesadak (38 urte) 1.205.000 boto baino gehiago jaso ditu, eta Alvarado Muñozek 782.000. Parte hartzea % 66,91ekoa izan da; % 33,09 ez da hauteslekuetara joan, historiako abstentzio handienetakoa zenbatuta.
"Nire betebeharra Errepublika batzea izango da", esan du Alvaradok emaitzak ezagutu ostean. "Mundua Costa Ricara begira dago gaur. Costa Ricak mezu bat bidali du berriz. Lan bikaina Costa Rica", gaineratu du San Pedro de Montes de Ocako plaza batean, hiriburutik oso gertu.
Presidente berriaren esanetan, "nire betebeharra Errepublika batzea izango da, aurrera egin dezan eta XII. Mendean liderra izan dadin". "Danon Gobernua gidatuko dut, pertsona guztiak babestuko dituena, bereizketarik egin gabe", baieztatu du.
Herritarrak, Alvaradoren garaipena ospatzen. Argazkia: EFE
Alvaradok Luis Guillermo Solis presidenteordearen Gobernuaren garaian garatu zuen bere ibilbide politikoa, 2014 eta 2018 artean. Costa Ricako Unibertsitatean Kazetaritza ikasketak egin zituen, eta Solisen komunikazio-taldeko buru izan zen hauteskunde kanpainan. Ondoren, Laguntza Sozialaren Institutu Mistoaren presidente eta Giza Garapen eta Gizarteratze ministro izendatu zuten, 2014tik aurrera.
2016ko martxoan, uko egin zion institutuari, Lan eta Gizarte Segurantza ministro kargua hartzeko, eta horretan eman du denbora 2017ra arte. Orduan, kargua utzi zuen hautagai izateko.
Azaro eta urtarrila artean egindako inkesetan izan zituen emaitza txarrak gorabehera, Alvaradok ezustekoa eman zuen otsailaren 4an, lehen itzulian bigarren postua lortuta.
¡Gracias Costa Rica! #EsPorCostaRica
— Carlos Alvarado Q. (@CarlosAlvQ) 2 de abril de 2018
Carlos Alvarado, Presidente Electo de la República de Costa Rica, 2018-2022 pic.twitter.com/8m0vUn4aOI
Zure interesekoa izan daiteke
Europar Batasunak Itsaso Gorriaren misioa zabaltzea planteatu du, Ormuz babesteko, eta Libanon beste bat zabaldu
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko itsas garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.