NBEren Segurtasun Kontseiluak betoa jarri die eraso kimikoaren gaineko ikerketei
Nazio Batuen Erakundeko Segurtasun Kontseiluak betoa jarri die AEBk eta Errusiak aurkeztutako bi ikerketa proposameni, Siriako eraso kimikoak argitu eta horien erantzuleak zeintzuk diren zehazteko.
Sputnik albiste agentzia errusiarrak jasotako informazioaren arabera, AEBk aurkeztutako proiektuak aldeko 12 boto, kontrako bi -Errusia eta Bolivia- eta Txinaren abstentzioa jaso du.
Ebazpen batek aldeko 9 boto eta Estatu Batuek, Errusiak Txinak, Frantziak edo Erresuma Batuak betorik ez jartzea behar du onartu ahal izateko.
Nikki Haley AEBk NBEn duen enbaxadoreak bozketaren aurretik esan zuenez, "ebazpena Kontseiluak egin dezakeen gutxiengoa da erasoari erantzuteko", alegia, Duman aurreko larunbatean izan zen erasoaren ostean, Reuters albiste agentziaren esanetan.
Bestalde, Vasili Nebenzia ordezkari errusiarrak azaldu zuenez, Washingtonek aurkeztu zuen ebazpen proiektuak "ez du zerikusirik Siriako gertaera kimikoa aztertzeko ikerketa independente batekin".
Handik minutu batzuetara, Errusiak aurkeztu duen ebazpen proiektuak ere ez du aurrera egiterik lortu, aldeko sei boz, kontrako zazpi eta bi abstentzio izan dituelako.
Moskuk aurkeztu zuen proiektuaren arabera, ikertzaileek NBEren Segurtasun Kontseiluari informatu behar zioten, eta horrek erabakiak hartu, ondorioz.
Eurocontrolek abisua eman die aire konpainiei
Aire Nabigazioaren Segurtasunerako Organizazio Europarrak (Eurocontrol) Sirian aireko erasoak izan litezkeela ohartarazi die aire konpainiei, eta, hortaz, datozen 72 orduotan zuhurtziaz jokatzeko eskatu die.
Eurocontrolen arabera, baliteke gurutzaldi-misilak jaurtitzea eta, abisatu duenez, irrati bidezko komunikazioetan ere arazoak egon litezke datozen egunotan.
Trump ez da Latinoamericara joango
Donald Trump AEBko presidenteak bertan behera utzi du Latinoamerikara egitekoa zuen lehen bidaia eta, bere ordez, Mike Pence presidenteordea izango da Liman egingo den Amerikako Goi Bileran, baina ez du mantendu Kolonbiara egingo zuen bisita.
Etxe Zuriaren hitzetan, Sirian izan zen eraso kimikoari eman beharreko erantzuna koordinatzeko hartu du erabakia Trumpek, baina nazioarteko analisten iritzian presidente estatubatuarrak Latinoamerikan duen interes faltagatik hartu dute erabakia.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.