AEBk bertan behera utzi ditu Txinari ezarritako muga-zergak
Estatu Batuek bertan behera utzi dute Txinari muga-zergak ezartzeko asmoa, Pekinekin lortutako akordioaren ostean. AEBren defizit komertziala murruztea adostu dute bi potentziek.
"Muga-zergak behin behinean etetea erabaki dugu, akordioa gauzatzen dugun bitartean", esan du AEBko Altxor idazkariak, Steven Mnuchinek.
Trumpek 150.000 milioi dolarreko muga-zergak ezartzearekin egin zuen mehatxua, Txina ordainketa-balantza orekatzera behartzeko.
"Gerra komertziala bertan behera uzten ari gara", esan du Mnuchinek.
Txinak Estatu Batuetako ondasun eta zerbitzuen erosketak "nabarmen" handitzea onartu du, gerra komertziala saihesteko, baina ez du defizita murrizteko helburu bat zehazteko konpromisoa hartu, Estatu Batuek nahi zuten bezala.
Bi egunez Washingtonen negoziatzen izan dira bi herrialdeak, baina Donald Trumpen Gobernuak ez du lortu Txinaren konpromisoa Estatu Batuek Asiako erraldoiarekin duten defizit komertziala 200.000 milioi dolarretan murrizteko, 2020ra arte.
Porrot horri garrantzia kendu dio Mnuchinek. Esan duenez, "helburu zehatzak" adostu dituzte, industria bakoitzaren arabera, baina ez dira publiko egingo.
Edozein kasutan, bilera gehiago egin beharko dituzte gerra komertzialaren arriskua erabat baztertzeko.
Adierazpen bateratu batean bi herrialdeek esan dutenez, "Estatu Batuek Txinarekin duten defizit komertziala nabarmen murriztea ahalbidetuko duten neurri eraginkorrak hartzeko adostasuna egon da".
"Txinako herriaren kontsumo beharrei eta kalitate handiko garapen ekonomikoaren premiari aurre egiteko, Txinak nabarmen handituko ditu Estatu Batuen ondasunen eta zerbitzuen erosketak", esan dute.
Nekazal eta energia produktuen inguruko akordioaren xehetasunak zehazteko, Trumpen Gobernuak talde bat bidaliko du Txinara.
Ez da adostasunik izan jabetza intelektualaren inguruan, baina Txinak "bere lege eta arauei zuzenketa garrantzitsuak egiteko" konpromisoa hartu du.
Zure interesekoa izan daiteke
Ebola kontrolik gabe zabaltzen ari da Kongoko Errepublika Demokratikoan eta 1.850 hildako eragin ditu jada
Inoiz izandako agerraldirik larrienak 4.053 kasu baieztatu ditu dagoeneko, eta MOEk "premiazko" erantzuna eskatu du.
Abelardo de la Espriellak Kolonbiako Presidentetza hartu du
Eskuin muturreko presidente berriak Cali aukeratu du inbestidurarako, Bogota hautatu beharrean, eta talde armatu ilegalekin elkarrizketari amaiera ematea eta legez kanpoko laboreak fumigatuko dituela iragarri du.
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.