Nazioarteko begiraleek babestu egin dute Maduroren berrautaketa
Venezuelako presidentetza hauteskundeetan parte hartu zuten nazioarteko begiraleek bermatu egin dute prozesua eta Nicolas Maduroren berrautaketa aintzatestea eskatu dute, oposizioaren eta prozesuaren zuzentasuna onartzen ez duten 20 bat herrialderen zalantzak eta kritikak xamurtzeko asmoarekin.
Jose Luis Rodriguez Zapatero Espainiako Gobernuko presidente ohiak -nabarmenena izan da begiraleen artean- Efek egindako elkarrizketa batean adierazi duenez, bozketa eguna baketsua izan da, eta onartu du hauteskundeetan galdu duten hautagaiek aurkaratzea aurkezteko aukera dutela.
Maduroren berrautaketa ahalbidetu duten emaitzak ezagutu ostean -6.190.610 botorekin- Henri Falconek (1.917.036 boz) eta Javier Bertuccik (988.761) adierazi zuten ez zituztela emaitzak aitortzen, eta prozesua errepikatzearen alde agertu ziren.
Alabaina, Bertuccik esandakoa zuzendu eta Maduroren garaipena onartzea erabaki du, nahiz eta lehenago esan zuen 1.000 salaketa baino gehiago dokumentatuta zituela. Oraingoan, hala, abstentzioari aurpegiratu dio porrota, % 53,98koa izan baitzen.
Gainera, Madurok atzo egindako elkarrizketarako deiarekin bat egitea onartu zuen.
Falcon, bere aldetik, Batasun Demokratikoaren Mahaitik bereiztea ordainduta, isilik mantendu da, atzo bere taldeak prozesuaren aurkako ekintzak egingo zituela iragarri bazuen ere.
Latinoamerikako Hauteskunde Adituen Kontseiluak ere babestu du prozesua. Horren presidenteak, Nicanor Moscosok, adierazi duenez, "guztiek onartu behar dituzte hauteskunde hauek".
"Venezuelako herriaren borondatearen ondorio dira", ziurtatu du Moscosok, hauteskundeen balantzea aurkezteko Caracasen egindako prentsaurreko batean.
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzeko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.