Banandutako familiak berriro elkartzeko 30 eguneko epea eman du AEBko Justiziak
Mexikoko mugan banandutako ehunka familiak berriz elkartzeko 30 eguneko epea eman dio Ameriketako Estatu Batuetako Justiziak Donald Trump presidentearen Gobernuari.
Dana Sabraw San Diegoko (Kalifornia) auzitegiko epaile federalak hartu du erabakia. Era berean, 5 urtez beherako adingabeak gurasoei itzultzeko 14 eguneko epea eman du, agindu judizialaren arabera.
Immigrazioaren aurkako estrategia polemikoa iragan apirilean martxan jarri zuenetik, Trumpen Gobernuak 2.575 familia banandu ditu, horietatik 522 bakarrik berriz elkartu dituzte; kritiken ondorioz neurria bertan behera utzi ondoren.
Askatasun Zibilen aldeko Batasun Estatubatuarrak (ACLU) Kongoko 7 urteko neskatila baten eta 14 urteko adingabe brasildar baten kasuak auzitara eraman zituen. Biak amengandik aldendu zituzten. Salaketa honen harira ebatzi du Sabrawk.
Seme-alabengandik banandutako gurasoen deportazioa bertan behera uzteko agindua eman du Sabrawk. Familien banantzea “Gobernuak berak sortutako egoera kaotikoa” dela azaldu du epaileak.
Mugan familien banantzea eteteko agindua eman zuen Trumpek iragan astean, baina berriro elkartzeko agindu argirik eman gabe. Sabrawren erabakiak anabasa zertxobait argitu dezake.
Familiak banantzeko neurria, AEBetan bertan eta kanpo, aho batez errefusatu dute, haurren bakartasunaren irudiak zabaldu ondoren, horietako batzuk kaiolatan sarturik. Gobernuak atzera egitea erabaki zuen.
Segurtasun Nazionaleko Departamentuak (DHS) larunbatean jakitera eman zuenez, 522 adingabe gurasoei itzuli dizkiete, baina 2.053k banandurik eta giltzapeturik jarraitzen dute.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.