Urtebeteko zigorra Australiako artzapezpiku ohi batentzat, pederastia ezkutatzeagatik
Australiako auzitegi batek urtebeteko kartzela-zigorra ezarri dio Philip Wilson Adelaidako (Australia) artzapezpiku ohiari. Epaileak errudun jo zuen maiatzean, 1970eko hamarkadan pederastia kasuak ezkutatzea leporatuta.
Newcastle hiriko auzitegiko Robert Stone magistratuaren epaiaren arabera, 67 urteko artzapezpiku ohiak ezingo du baldintzapeko askatasuna eskatu zigorraren erdia bete arte. Halere, iturri judizialek ez dute argitu kartzelan sartuko den ala ez.
Epaileak abuztuan emango du Wilsonen defentsaren eskaerari buruzko epaia; izan ere, atxiloaldia etxean bete ahal izatea eskatu zuen. Orain arte pederastia kasu batean nahasita epaitu eta zigortu duten Eliza Katolikoko maila altueneko erlijiosoa da.
Philip Wilson errudun jo zuen epaileak maiatzean, 1970eko hamarkadan bi meza-laguntzaileren kontra James Patrick Fletcher apaizak egin zituen sexu-abusuen berri ez emateagatik Poliziari. Fletcher 2006an hil zen, espetxean, zigorra betetzen ari zela.
Errudun jo eta gero, biharamunean, Wilsonek Adelaidako artzapezpiku izateari utzi zion.
Prozesuan zehar, diabetesa, Alzheimerra eta bihotzeko arazoak zituela argudiatu zuten Wilsonen abokatuek, delitu hori dela eta ezar daitekeen zigor handiena (bi urteko kartzela zigorra) ezartzea ekiditeko.
Zure interesekoa izan daiteke
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.