Rafael Correa atxilotzea eskatuko dio Ekuadorko epaile batek Interpoli
Ekuadorko epaile batek Rafael Correa presidente ohia atxilotu eta estraditatzea eskatuko dio Interpoli, Justizia Gorte Nazionalean (Quito) aurreko astelehenean aurkezteari uko egin ondoren. Fernando Balda diputatu ohiaren bahiketa saiakerarekin lotura duelakoan eskatu dituzte presidente ohiaren aurkako salbuespenezko neurriak.
Daniella Camacho epaileak Paul Perez Estatuko fiskal nagusiak egindako eskaria onartu zuen eta, horrela, behin behinean espetxeratzeko agindua eman zuen, ikerketan sakontzeko helburuarekin. Gainera, Correa topatzea eskatu dio Interpoli, estradizioa egiteko asmoz. Presidente ohia Belgikan bizi da, iaztik, bere familiarekin batera.
Ekainaren 18an, Camachok uztailak 2an Justizia Gorte Nazionalaren Idazkaritzan aurkeztea agindu zion Correari, defentsak Belgikan dagoen Ekuadorko enbaxadan egiteko eskaera baztertuta.
Balda, Correaren salatzailea, epaitegiko saioan. Argazkia: EFE
Correak, astelehenean, diplomazia araudia bati helduta, Bruselako egoitza diplomatikoan aurkeztu zen eta Baldak, salatzaileak, behin behinean espetxeratzea eskatu zuen berehala. Fiskalak, halaber, Baldaren eskaera babestu zuen, epaileak emandako aginduari muzin egitearren.
Erabakiaren ostean, Correak gogorarazi du 2017ko azaroaren 10ean Baldak atxilotuko zutela aurreratu zuela.
"Baldak azaroan aurreratu zuen prozesu judizialek Interpolen atxilotzeko agindua ekarriko zutela. Aztia al da, ala konplot baten parte-hartzaile? Egin apustu. Datozen orduotan bideo bat zabalduko dut sare sozialetan. Garaipenera arte, beti!", esan zuen presidente ohiak Twitterren.
Aurretik, justiziak egindako "barrabaskeria" salatu zuen, "nahieran jarritako fiskal" batek bultzatuta, eta "frogarik gabeko lotura" batean oinarrituta.
"Ba al dakizue zer nolako arrakasta izango duen gezur honek nazioartean? Ez keztatu, denbora kontua da. Irabaziko dugu!", idatzi zuenez.
Zure interesekoa izan daiteke
G7ak eta EBk Ormuzko itsasartea irekitzeko eta inguruko herrialdeak pairatzen ari diren “ondorioak” arintzeko deia egin dute
Mendebaldeko herrialde boteretsuenen Atzerri ministroek, baita AEBkoak ere, “populazio zibilaren eta azpiegituraren aurkako erasoak berehala eteteko” eskatu dute.
Trumpek apirilaren 6ra arte luzatu du Ormuzko itsasartea berriro irekitzeko ultimatuma
AEBk Ekialde Hurbilera 10.000 soldadu gehiago bidaltzea aztertzen ari da, Teheranen gaineko presioari eusten dion bitartean eta arazoak luze joko duela ikusita.
Iranek AEBren proposamenari erantzun dio eta bake akordio baterako hainbat baldintza jarri ditu mahai gainean
Teheranek erasoa "ez errepikatzeko baldintzak" eskatzen ditu, eta gatazkaren amaierak "fronte guztiei" eragitea, Libano eta Irak barne.
Israelek iragarri du Alireza Tangsiri Irango Guardia Iraultzailearen Armadako komandantea hil egin duela
Israel Katz Israelgo Defentsa ministroaren arabera, Ormuzko itsasartearen blokeoaren erantzule nagusia zen. Irango agintariek ez dute oraingoz heriotza baieztatu.
Iranek ez du onartu AEBk egindako bake proposamena, "gehiegizkoa" dela iritzita
Irango agintariek behin eta berriz esana dute Ameriketako Estatu Batuek eta Israelek Iranen aurkako "erasoa eta hilketak" gelditu egin behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.