Frantziako oposizioak bat egin du Macronen aurkako kritikan, ez mozioetan, ordea
Emmanuel Macron Frantziako Gobernuko presidenteak bi zentsura-moziori aurre egin behar izan die asteartean, 'Benalla auzia'ren kudeaketa dela eta. Horietako bat ezkerrak aurkeztu du, eta bestea eskuinak.
Ia ezinezkoa zen zentsura-mozioak onartzea, 577 diputatutik 289ren babesa behar delako, eta Errepublika Martxan Macronen alderdiak gehiengo zabala du Behe Ganberan.
Mozioen aurretik egindako eztabaidan, ezkerreko eta eskuineko alderdiek bat egin zuten Gobernu "monarkiko", "autokratiko" eta "larderiatsu" baten aurka egiteko orduan, eta Parlamentuko gehiengoari Benallaren eskandaluaren, Macronek aurre egin behar izan dion auzirik handienaren, aurrean isilik ez egoteko eskatu zioten.
Alabaina, eztabaidak eta bozketak azalpenak ematera behartu dute Gobernua, Le Monde egunkariak aireratutako albistearen ostean. Uztailaren 18an argitaratutako informazioaren arabera, Alexandre Benalla Macronen segurtasunaren buruzagi ohiak manifestariak jo zituen Maiatzaren 1eko manifestazioetan, polizia gisa identifikatuta.
Ika-mika lehertu ostean, ikerketak abiarazi dituzte epaitegietan, Polizian eta Parlamentuan. Besteak beste, Stephane Fratacci Barne ministroaren kabinete burua agertuko da gaur.
Macron eta horren ingurukoen esanetan, bizkartzain ohiak egindakoa "gertakari bakana" izan zen, eta horrela balitz jokatu behar da. Oposizioaren arabera, aldiz, "Estatu mailako auzia" da, Elisiotik ezkutatzen saiatu direlako.
Bideoa: Manifestariak kolpatu zituen Macronen segurtasun burua atxilotu dute (2018/07/20)
Errepublikanoak alderdi kontserbadoreak -oposizioaren alderdi nagusia da, 103 diputaturekin- zentsura mozioa justifikatu du, bere ustean, Exekutiboak "porrot egin" duelako krisian hartutako erabakiekin.
Olivier Faure sozialisten idazkari nagusiak azpimarratu zuen bere alderdiak ez duela kontserbadoreen mozioa onartuko, agintea hartu nahi dutela ulertuko baitzen, gehiengoa osatuta.
Il y aura une motion de gauche et une motion de droite. Je me félicite que nous sachions faire front commun quand l’essentiel est en cause. Mais cela ne doit pas être interprété comme une volonté de gouverner ensemble #FranceInfo #8h30Politique #MotionDeCensure
"Ezkerraren mozio bat egongo da, eta eskuinaren beste bat. Pozik nago bat egiteko gai izan garelako oinarrizkoa arriskuan egon denean, baina hau ez da ulertu behar elkarrekin gobernatzeko asmoa bagenu bezala", azpimarratu zuen Twitterren.
Faurek onartu zuen oraingoan aurkeztutako mozioak sinbolikoak direla: "Ez dugu boto nahikorik izango, ez dago misteriorik, baina haiek eta guk eman nahi dugun abisua da", erantsi zuen.
Albiste gehiago mundua
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.
NBEko Batzar Nagusiari begira, AEBk agintari palestinarrei emandako bisak baliogabetuko ditu
AEBko Gobernuak iragarri du Palestinak Nazio Batuen aurrean duen misio iraunkorreko kideak salbuetsiko dituela.
Frantziako sindikatuek greba deitu dute irailaren 18an Bayrouren aurrekontuen aurka
Zentral handiek "gauzak aldatzeko eta aurrerapausoak emateko mobilizazio masiboak" eskatu dizkiete langileei. Bayrouk konfiantza mozio bati aurre egin beharko dio irailaren 8an; oposizioak (gehiengo absolutua) aurka bozkatuko duela aurreratu du.
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.