Asia Argentok ukatu egin du Jimmy Bennet aktoreak salatutako sexu-erasoa
Asia Argento aktore eta zuzendari italiarrak, Me Too mugimenduaren sustatzaile nagusietako batek, ukatu egin du Jimmy Bennet aktoreak salatutako sexu-erasoa. Horren harian, "egoera ekonomiko larria" bizi zuen gazteari laguntza eskaini ziola ziurtatu du.
Bennet adin txikikoa zela Argentok sexu-erasoa egin ziola zabaldu zuen The New York Times egunkariak astelehenean. Gazteak jarritako salaketaren arabera, sexu-erasoa 2013ko maiatzean jasan zuen, Kaliforniako hotel batean. Hedabide horren esanetan, Argentok 380.000 dolar eman zizkion gazteari gero, isilik jarraitzearen truke.
"Egunotan irakurri ditudan albiste faltsu guztiek zeharo harritu eta mindu naute. Inoiz ez dut sexu-harremanik izan berarekin", esan du aktore eta zuzendari italiarrak ohar baten bidez.
Hainbat urtez "lagunak besterik ez gara izan", azaldu du Argentok, eta Harvey Weinstein ekoizle estatubatuarraren sexu-erasoak salatu ostean The Heart Is Deceitful filmean lankide izan zuen aktore gazteak salaketa faltsua jartzea erabaki zuela gaineratu du.
Me Too mugimenduaren sustatzailearen hitzetan, Bennetek "egoera ekonomiko larria" bizi zuen garai hartan, eta "senideen kontra ere hainbat salaketa jarri zituen, milioika dolar eskatuz". Hala, Weinstein ekoizle estatubatuarraren sexu-erasoak publikoki salatu ondoren, Bennetek bere kontrako salaketa jartzea erabaki zuela ziurtatu du, "dirutza handia eskatuz".
"Bennetek bazekien Anthony Bourdain, nire bikotekidea izan zena, diruduna zela", nabarmendu du Argentok. Hala, italiarraren kontrako "mezu negatiboak saihesteko" eta "bere irudi publikoari kalterik ez egiteko", bere bikotekideak Benneti 380.000 dolar eman zizkiola jakinarazi du aktore italiarrak.
Zure interesekoa izan daiteke
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.