AEBk eta Mexikok NAFTA berritzeko aurreakordioa adostu dute
Ameriketako Estatu Batuak eta Mexikok Ipar Amerikako Merkataritza Libreko Ituna (NAFTA, ingelesezko sigletan) berritzeko aurreakordioa adostu dute astelehenean, Donald Trump AEBko presidenteak jakitera eman duenez. Kanada, hirugarren bazkide ohia, merkataritza alorreko akordio berritik kanpo geratu da oraingoz, baina horrek ere bat egitea nahi dute AEBko eta Mexikoko presidenteek.
"Bi herrialdeentzako akordio soilagoa eta hobea lortu dugu", adierazi du Trumpek, eta Kanadak merkataritza alorreko hiru aldeko negoziazioetan laster parte hartuko duela iragarri du agintariak.
"Hainbat hilabete iraun duen negoziazio konplexua eta neketsua izan da. Une zailak izan ditugu, baina aurreakordioa adostu dugu azkenean", nabarmendu du Enrique Peña Nieto Mexikoko jarduneko presidenteak.
Trumpek jakinarazi duenez, bi herrialde horien artean lantzen ari diren akordio berria Ameriketako Estatu Batuen eta Mexikoren arteko merkataritza akordioa izenarekin izango da ezaguna oraingoz, NAFTA izenak "konnotazio txarra duelako estatubatuarrentzat". Izan ere, atzean utzi duten akordioa "inoiz sinatutako merkataritza itun txarrena" zela esan zuen Trumpek AEBko presidente izendatu zutenean, eta "nahitaez aldatu behar da", gaineratu zuen.
"Akordio ezin hobea da bi aldeentzat, baina batez ere langileentzat eta herritarrentzat", azpimarratu du AEBko agintariak hitzarmenaren berri eman duenean.
Trumpek jakinarazi duenez, akordio horretara Kanada batzeko elkarrizketak "laster" hasiko dituzte. Ildo horretatik, airean aukera desberdinak daudela esan du AEBko presidenteak: Kanadarekin alde biko beste akordio bat bilatzea edo astelehenean lortutako akordioa berarekin batera sinatzea.
Horretarako, Justin Trudeu Kanadako lehen ministroarekin laster hitz egingo duela esan du Trumpek. Hala ere, merkataritza libreko itun berria negoziatu nahi ez badu, autoen gaineko muga-zergak ordaindu beharko ditu Kanadak.
Bestalde, AEBrekin merkataritza alorreko beste akordio bat sinatzeko prest agertu da Txina, baina Trumpek berehala erantzun dio: "Orain ez da horretarako une aproposa".
Donald Trump, Etxe Zuriko bulego obaletik Enrique Peña Nietorekin telefonoz hizketan. EFE
Itun berriak 16 urte iraungo du
AEBk eta Mexikok astelehenean sinatu duten merkataritza libreko aurreakordio berriak 16 urteko iraupena izango du, eta bi aldeek akordioa berrikusteko aukera izango dute, Robert Lighthizer AEBko Merkataritza idazkariak jakinarazi duenez.
Hala, sei urtean behin ituna beste 16 urtez luzatzeko aukera aurreikusten du akordioak, betiere bi herrialdeak ados badaude.
Halaber, autoen merkataritzari dagokionez ere, akordioa lortu dute AEBk eta Mexikok, baina Mexikotik AEBra eramaten dituzten altzairuen eta aluminioen gaineko zergak indarrean izaten jarraituko du AEBk, gai hori ez baitute akordio berrian jorratu.
Ondorioz, akordioa indarrean sartzen denetik sei urtera ituna beste hamasei urtez luzatu edo ez aztertuko dute bi aldeek. Horrenbestez, sei urtean behin akordioa berresteko aukera zabalik utzi dute.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.