CSUk gehiengo absolutua galdu du Bavarian
Alemanian, Angela Merkel kantzilerraren alderdi aliatuak gehiengo absolutua galdu du Bavariako hauteskundeetan, emaitza ofizialen arabera. Kristau Batasun Sozialak (CSU) botoen % 37,2 lortu du. Gehiengo absolutua galdu izana zaplazteko politiko latza da Horst Seehofer alderdiko buruzagi eta Barne ministroarentzako.
Berdeek botoen % 17,5 eskuratu dute eta bigarren indarra bihurtu dira Bavarian, Freie Wähler boto-emaile libreen elkartearen aurretik (bozen % 11,6).
Bestalde, espero zen bezala, Alemaniarentzako Alternatiba (AfD) eskuin muturreko alderdiak Bavariako Parlamentuan ordezkaritza erdietsi du, bozen % 10,2 eskuratuta. Alderdi Sozialdemokratak (SPD) botoen % 9,7 lortu du, hain zuzen ere, alderdiak eskualde hauteskundeetan lorturiko inoizko emaitzarik txarrena da.
Honezkero, eskuin muturreko alderdiak ordezkaritza du Alemaniako Parlamentu guztietan, Hesseko ganberan izan ezik, baina baliteke bi aste barru egingo diren hauteskundeetan lortzea.
Gizon bat, Bavariako jantzi tradizionalarekin, botoa ematen Irschenbergen (Alemania). Argazkia: EFE
Adituen hitzetan, ezbairik gabe, CSUrentzako emaitza umiliagarria da, eta Seehoferren etorkizuna zalantzan jar dezake, alderdiaren zuzendaritza barruan babesak galdu dituelako.
Kristau Batasun Sozialak koalizioaren beharra izango du gobernatzeko. Alemaniako Die Welt egunkariaren arabera, litekeena da CSU alderdiak Berdeekin edo Freie Wähler boto-emaile libreen elkartearekin gobernu koalizioa osatzea.
Zure interesekoa izan daiteke
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.