North Stream 2 gasbide estrategikoa
Europar Batasuneko herrialdeek gogortu egin dituzte Errusiatik Alemaniara North Stream 2 gasbidea eramateko baldintzak. Baina aldaketak ez dira proiektua arriskuan jartzeko beste sakonak izan. EBak hitzartu duenez, gasbidea erabiltzeko eskubidea zabaldu zaie gainerako estatu kideei, Alemaniak eta Frantziak beren ikuspuntuak hurbildu ondoren.
Itsas Baltikoan zehar Gazprom Errusiako estatuko enpresa egiten ari den proiektu honek eztabaia handiak eragin ditu Europan eta Estatu Batuetan. Ukrainan beldur dira, beren herrialdetik kanpo igaroko den gasbideari. Errusiak Ukrainan zehar doanaren kopurua murriztuko duela uste dute, eta beraz, u Kievko gobernuaren diru sarrera garrantzitsuena kendu.
Estatu Batuek ere behin eta berriz zigorrak jartzearen meatsua egin du. Izan ere, gasbide honi esker Errusiak bikoiztu egin ditzake Europara bidaltzen duen gas kopurua. Europar Batasunean, Polonia eta Baltikoko herrialdeak dira proiektu begi onez ikusten ez dutenak. Beren ustez, Errusiaren menpe jarriko du Europa. Suediak ere mesfidantzaz ikusten du, beren kostaldearen aurretik joango den gasbide hau. Stockholmeko gobernuaren ustez, lan horrek aitzakia emango die errusiarrek itsaso horretan espioitza zereginak areagotzeko.
Europar Batasunak adostutako arau berriarekin beldur hauek urrundu nahi ditu. Arau hauen arabera, gas hornitzailearen eta gasbidearen jabetza enpresa ezberdinena izan behar da. Beraz, Gazprom enpresa errusiar publikoa ezingo da denaren jabe izan.
Alemaniak proiektu hau gogor defendatu du, eta Frantziak eskatutako bermeak biguntzea lortu ez ezik, Europar Batasun osoaren oniritzia ere eskuratu du. Bruselak proiektuan zaintze eskubidea izango du. Horrek, eta Berlinen uste denez, Estatu Batuen jarrera biguntzen lagunduko du.
Beharrezkoa duen Europako Parlamentuaren oniritzia jaso ondoren, araudi berria maiatzako hauteskundeak baino lehen prest egongo dela uste da. Gasbidea bera urtea amaitu baino lehen erabiltzeko prest izango da.
Interdependentzia
Dmitry Peskov, Vladimir Putin presidentearen bozemaileak esan duenez, “proiektu honek ez du Europaren menpekotasuna areagotuko soilik, baita Errusiarena ere, Errusiak ere Europa bezero moduan behar duelako. Bere ustez, elkarren arteko menpekotasuna izango da.
Estatu Batuek segurtasunaren arazoa azpimarratu arren, arrazoi ekonomikoak ere badituzte. Hain zuzen ere, beren gas naturala Europan saltzeko interesa.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.