Goi kargudunak salatu ditu Sri Lankak, erasoei buruzko informazioa ezkutatzeagatik
Sri Lankako Gobernuko goi kargudunek Inteligentzia zerbitzuek atentatuei buruz emandako informazioa nahita ezkutatu zuten, Lakshman Kiriella Enpresa Publikoetako ministro zeilandarrak salatu duenez.
Hori dela eta, Maithripala Sirisena presidenteak Polizia buruaren eta Defentsa ministroaren dimisioa eskatu du, Reuters albiste agentziari Presidentetzaren gertuko iturriek jakinarazi diotenaren arabera.
Iturri horiek, baina, anonimoak dira, ez baitute identifikatu nahi izan, Inteligentzia gaiekin lotuta Zeilango Gobernuak egindako kudeaketa akatsei buruz hitz egin dutelako.
Halere, Sri Lankako presidenteak asteazken honetan iragarri du astebeteko epean segurtasun indarren goi-karguak aldatuko dituela. Gainera, 24 orduko epean segurtasun erakundeetan ere aldaketak egingo ditu, Daily News egunkariak aurreratu duenez.
Kontua da Sri Lankako Inteligentzia zerbitzuek atentatu arriskuaren berri jaso zutela, erasoak gertatu baino ordu batzuk lehenago.
Horregatik, Sirisenak azpimarratu du Indiako Inteligentzia agenteen abisuen aurrean neurririk hartu ez zutenen aurka egingo duela. Izan ere, eliza kristauen kontrako mehatxuak zeudela jakin zuten atentatuak gertatu orduko.
359 pertsona hil dituzte atentatuetan
Azken orduetan gora egin du hildakoen kopuruak: guztira, 359. Gainera, iturri ofizialek nabarmendu dute balitekeela uhartean atentatu gehiago egotea.
60 pertsona atxilotu dituzte
Sri Lankako Gobernuko Estatu idazkari eta ministro bozeramaileak, Ruwan Wijewardenek, atxiloketei buruzko azken datuak eman ditu gaur. Haren hitzetan, orain arte 60 lagun atxilotu dituzte, erasoekin zerikusia dutelakoan.
Wijewardenek zehaztu du 60 atxilotuak zingalesak direla, eta horietatik 32 poliziaren esku daudela.
Ruwan Gunasekara Sri Lankako Poliziaren bozeramaileak, bestalde, baieztatu du bederatzi erasotzaile suizidak parte hartu zutela erasoan, nahiz eta orain arte zortzi identifikatu dituzten.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.