Argindarra kendu dute Venezuelak AEBn duen enbaxadan, ekintzaileak kanporatzeko
Argindar barik geratu dira Venezuelak AEBn duen enbaxadan, bertan dauden ekintzaileek salatu dutenez. Itzalaldia Juan Guaido Venezuelako oposizioko buruak herrialdean duen ordezkariari leporatu diote, alegia, Carlos Vecchiori.
“Heritarrak enbaxadan jarraitzeko prest gaude, baina oso gaizki moldatzen ari gara energia hornidurik gabe”, esan du Medea Benjamin Code Pink ekintzaile taldeko buruak.
Halaber, talde horretako liderrak azaldu duenez, ekintzaileek zailtasun handiak dituzte enbaxadan sartzeko edota elikagaiak eskuratzeko. Hala, gau eta egun aritzen den zaintza-taldea 15 bat lagunek osatzen dute orain, gero eta gutxiagok.
Venezuelak AEBn duen enbaxada hori “indarra erakusteko ikur” bihurtu da herrialdean.
Argindar barik Zulian
Beste alde batetik, Juan Guaido opositore eta bere burua Venezuelako presidente aldarrikatu zuenak Zulia estatuan itzalaldia izan dela salatu du, eta, itzalean bada ere, kalera irteteko deia egin die herritarrei, “diktadurarekin amaitzeko”.
“Zulia argindar barik dagoen bitartean, itzalaldia eragin zuen taldeak ezkutatuta jarraitzen du, barne liskarrak konpontzen”, esan du Guaidok Twitter bidez zabaldu duen mezu batean.
Apirilaren 30ean, 'Askatasuna Operazioa' abiatu zuen Guaidok, Gobernu chavista botatzeko asmoz, baina hainbat militar alboan zituela agertu zen Nicolas Maduro handik ordu batzuetara. Hala, estatu-kolpe saiakerak “porrot” egin zuela azpimarratu zuen, eta altxamendu militar horren bultzatzaileak zigortuko zituela iragarri.
Zure interesekoa izan daiteke
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.